Texnologiya

Nazirlik Azərbaycanda internet rabitəsinin genişləndirilməsi işləri barədə

19 Yanvar 2021 21:29
Baxış: 611

Hazırda Azərbaycan əhalisinin 80 faizdən çoxu internet istifadəçisidir.

Bu barədə Nəqliyyat, Rabitə və Yüksək Texnologiyalar Nazirliyindən bildiriblər.

Qeyd olunub ki, regionlarda əhalinin telekommunikasiya xidmətlərinə tələbatını təmin etmək məqsədilə Nazirlik nəzdindəki "Aztelekom" MMC infrastruktur layihələrini mərhələli şəkildə reallaşdıraraq rabitə şəbəkəsini genişləndirir:

"Regionlara ötürülən trafikin həcminin artırılması üçün bir optik lif vasitəsilə bir neçə informasiya kanalının ötürməyə imkan verən DWDM spektral sıxılma texnologiyası və IP-MPLS çoxprotokollu kommutasiya texnologiyası tətbiq edilib. Nəticədə magistral xətlərin buraxılış qabiliyyəti 100 dəfə artıb".

Nazirlikdən, həmçinin paylayıcı şəbəkənin rekonstruksiyası barədə məlumat verilib:

"Hazırda Abşeron və Masallı rayonlarında, Sumqayıt və Gəncə şəhərlərində işlərin ilkin mərhələsi aparılır. Bu layihə çərçivəsində mis xətlər optik kabellərlə dəyişdirilir, GPON (giqabi passiv optik şəbəkə) texnologiyası tətbiq olunur. Bundan başqa, vətəndaşlara təqdim olunan xidmətlərin həcmi və keyfiyyəti yüksəldilir. Növbəti mərhələdə işlərin digər regionlarda da aparılması planlaşdırılır".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.