Texnologiya

Azərbaycanın öz "Bayraktar"ı olacaq: "səma yırtıcısı" hazırlanır

12 Yanvar 2021 11:14

Baxış: 6 449

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Azərbaycanda zərbə PUA-larının modifikasiyaları artırılır, formatı genişləndirilir. 9-10 km yüksəklikdən hədəfi 0,2 metr dəqiqlikdə vura biləcək zərbə PUA-sı ilə bağlı işlər davam edir.

Milli.Az bildirir ki, PUA "səma-yer" (Air-Surface Missile, ASM) tipli, hədəflə bağlı informasiyanın fasiləsiz və diskret ötürülmə sistemli, televizion-komanda TVG nişanalma (TV-guided), fokuslandırılmış radioşüa vasitəsilə radiosiqnal nişanalması (Radio Beam-Riding, RBR) sistemli raket sadəcə postsovet məkanında yox, dünyada ən müasir raketlərdən biri olacaq asma-qoşqu raketlə təchiz ediləcək.

RBR sistemi hazırda yalnız ABŞ, Çin, Rusiya, Türkiyə və Fransada raket istehsalında aktiv istifadə olunur. Sözügedən sistemdə raket hədəfə yönəlmiş fokuslanmış radioşüa vasitəsilə işə salınır. PUA-dakı potensiometr avadanlıq şüanın bərabərsiqnallı zonasının istiqamətindən bucaq sapmasının əsasında raketin idarəetmə sisteminə siqnalla ötürür. Hədəfi nişanalma zamanı hücum obyekti və trasseri raket özü müəyyənləşdirərək qırıcı-bombardmançı təyyarələrdəki "3 nöqtə metodu"nun daha mükəmməl variantını reallaşdırır.