Texnologiya

Virtual toxunuş gerçəyə dönür - VİDEO

7 Yanvar 2015 20:15

1 Şərh Baxış: 2 335

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #SEVGİ OZEL SAGLİK HİZMETLERİ AS #İCAD INC

Yeni texnologiyalar həyatımızı dəyişdirir: smartfon və planşet kompüterləri artıq insanların ünsiyyətinə öz təsirini göstərib. İndi müxtəlif cihazlar insanların sevgi münasibətlərinə də müdaxilə edir. Bir sözlə, sevgi getdikcə texnologiyalaşır.

Milli.Az ICTnews-a istinadən bildirir ki, Britaniyanın The Daily Mail nəşri yazır ki, ixtiraçılar insanlara, hətta məsafədən öz hisslərini ifadə etməyə imkan verəcək qeyri-adi cihazlar icad etməyə çalışırlar.

Apple korporasiyası öz müştərilərinə virtual ünsiyyət imkanını təklif edən ilk firmalardan biri olub. Şirkətin yeni Apple Watch cihazı gələn ilin yazında satışa çıxarılacaq. Qurğunun funksiyalarından biri sahibinə sözsüz ünsiyyət saxlamağa imkan verəcək virtual toxunuş olacaq.

Şirkətin nümayəndəsi bildirib ki, Apple Watch smart saatı ürək döyüntüsünün tempini oxuyacaq və onu digər tərəfə ötürəcək.

Frebble qurğusu onun sahiblərinə uzaq məsafədən əldən tutmağa imkan verəcək. Cihazın sahiblərindən biri öz Frebbleni sıxdıqda ikinci qurğunun sahibi kiçik təzyiq hiss edəcək və beləliklə, öz yoldaşının əlini özündə hiss edə biləcək.

Yaponiyada ixtira edilmiş xüsusi kreslo qucaqlaşmağı təqlid edir. Tədqiqatçılar sübut ediblər ki, qucaqlaşma zamanı insan orqanizminin ifraz etdiyi sevgi narkotiki (oksitosin) əsəb sistemini sakitləşdirir və müsbət emosiyalar doğurur.

Bununla belə, alimlər yeni ünsiyyət üsulları ilə bağlı optimist düşünmürlər. Tədqiqatçılar iddia edirlər ki, cihaz sahibləri onlardan asılı olur və qurğuların köməyi ilə ünsiyyət saxlamağa o qədər alışırlar ki, onlar üçün real həyatda öz hisslərini ifadə edə bilmirlər.

Milli.Az

Videonu izləmək üçün şəkilə klikləyin.