Texnologiya

Azərkosmos ASC Əfqan televiziya yayımı bazarına daxil oldu

7 Avqust 2014 11:43
Baxış: 966
VTB-də minimal faiz dərəcəsi ilə nağd kredit 10.49%-dən
#TEXNOLOGİYA #AMERİ-GAN SİCAV
Azərkosmos ASC Əfqan Payvastun Media Kommunikasiya (APMC) şirkəti ilə Batur TV-nin Azərspace-1 üzərindən açıq yayımı və ilə bağlı müqavilə imzalayıb.

Bu barədə Trend-ə Azərkosmos ASC-dən məlumat verilib.

Məlumata görə, Batur TV milli peykimiz üzərindən yayımlanacaq ilk Əfqan televiziya kanalıdır. Bu müqavilə Azərkosmosa Əfqan yayım bazarına qapı açdığından şirkət üçün böyük əhəmiyyət kəsb edir. İmzalama prosesi zamanı APMC-nin prezidenti Masud Ameri Azərkosmos komandasının müqaviləyə hazırlıq mərhələsində göstərdiyi həvəs və peşəkarlığı yüksək qiymətləndirmişdir.

APMC şirkəti Azərkosmosla əməkdaşlığa ilk dəfə bu il Əfqanıstanda keçirilən prezident seçkiləri zamanı qısamüddətli tutum istifadəsi xidmətində istifadə etməklə başlamışdır. Azərkosmosun göstərdiyi xidmətdən razı qalan şirkət daha uzunmüddətli müqavilə imzalamaq qərarına gəlmişdir.

Masud Ameri Azərkosmosla digər Əfqan kanallarının da Azərspace-1 peyki üzərindən yayımlanması və Azərbaycan və Əfqanıstan arasında peyk kommunikasiya sahəsində əməkdaşlığın genişləndirilməsinin perspektivlərini müzakirə etmişdir.

Qeyd edək ki, Qafqazda yeganə peyk operatoru olan Azərkosmos ASC rəqəmli yayım, VSAT şəbəkələri və digər telekommunikasiya xidmətlərinin göstərilməsi üçün peyk tutumları təqdim edir. Ötən ilin fevral ayında orbitə buraxılan və Azərkosmos tərəfindən idarə edilən Azərspace-1 peyki 46° Şərq uzunluğu orbital mövqeyində yerləşir və Avropa, Afrika, Yaxın Şərq, Qafqaz və Mərkəzi Asiya regionlarını əhatə edir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.