Sink çatışmazlığı nələrə səbəb olur? - problemi aradan qaldırmağın yolları

Sink insan bədəni üçün həyati əhəmiyyət daşıyan minerallardan biridir. O, immun sistemi, dəri və saç sağlamlığı, dad və qoxu hissi, həmçinin hamiləlik və uşaqlıq dövründə sağlam böyümə üçün vacibdir. İnsan bədəni sinki özü istehsal edə bilmir, buna görə onu qida vasitəsilə qəbul etməlidir. Sink çatışmazlığı, bədənin qidalardan kifayət qədər sink qəbul edə bilməməsi və ya onu effektiv istifadə edə bilməməsi nəticəsində yaranır.

Milli.Az xəbər verir ki, sink çatışmazlığı müxtəlif səbəblərdən ortaya çıxa bilər:

• Həzm sistemi ilə bağlı xəstəliklər (məsələn, malabsorbsiyon, çölyak, Crohn xəstəliyi)
• Bitki əsaslı pəhrizlər, çünki bəzi bitkilər fitat tərkibli olub sinkin sorulmasını azaldır
• Yaşlılıq və hormonal dəyişikliklər
• Hamiləlik dövründə artan tələbat
• Alkoqol istifadəsi
• Xroniki böyrək və qaraciyər xəstəlikləri
• Şəkər xəstəliyi

Sink çatışmazlığının əlamətləri
Sink çatışmazlığı müxtəlif formalarda özünü göstərə bilər və simptomlar digər xəstəliklərlə oxşar ola bilər. Bunlara daxildir:

• Tez-tez xəstələnmək, immunitetin zəifləməsi
• Saç tökülməsi və ya saçların incəlməsi
• Dırnaqlarda dəyişikliklər, rəng dəyişməsi, qırılma
• Enerji çatışmazlığı və sinirlilik
• İştahsızlıq
• Dad və qoxu hissinin zəifləməsi
• Uşaqlarda və yeniyetmələrdə gec böyümə
• Dəri problemləri və sızanaqlar
• Yara və zədələrin gec sağalması
• Kişilərdə sperma sayının azalması

Sink çatışmazlığının bədənə təsiri
Sink çatışmazlığı bədənin müxtəlif sistemlərini zəiflədir: immuniteti aşağı salır, dərini, saç və dırnaqları təsir edir, böyümə və hüceyrə inkişafını ləngidir. Həmçinin çatışmazlıq enerji azalmasına, sinirliliyə və ümumi halsızlığa səbəb ola bilər.

Sink çatışmazlığını aradan qaldırmaq üçün sink ilə zəngin qidaların istehlakını artırmaq vacibdir.

Ən zəngin sink mənbələri bunlardır:

İkiqabıqlı molyusk (İstiridye) - təbii olaraq ən yüksək sink tərkibi

Qırmızı ət - xüsusilə mal və qoyun əti

Toyuq və hinduşka - yaxşı protein və sink mənbəyidir

Dəniz məhsulları - xərçəng və digər dəniz məhsulları

Quru meyvə və tumlar - balqabaq, günəbaxan toxumu, kaju fıstığı

Paxlalılar - noxud, mərcimək, lobya

Süd məhsulları - süd, pendir, qatıq həm protein, həm də sink təmin edir

Tam taxıllar - qəhvəyi düyü, kinoa, yulaf

Lalə Qüdrətova
Milli.Az