Texnologiya

Hakerlərə qarşı xərclər artacaq

14 Yanvar 2014 23:12
0 Şərh     Baxış: 699
VTB-də minimal faiz dərəcəsi ilə nağd kredit 9.9%-dən
Forrester Research analitikləri deyiblər ki, əksər dünya şirkətləri günbəgün güclənən haker hücumlarından qorunmaq üçün öz informasiya təhlükəsizliyinin təkmilləşdirilməsinə aktiv sərmayə yatırır.

Analitiklər kompüter təhlükəsizliyi sahəsində 2000-dən çox mütəxəssis arasında sorğu keçiriblər. Rəyi soruşulanların 46%-i 2014-cü ildə korporativ şəbəkədə məlumatların mühafizəsinə büdcə artımını gözləyirlər. Ötən il bu xərclər müəssisələrin təhlükəsizliyinə ümumi xərclərin təxminən 21%-ni təşkil edib.

Milli.Az ICTnews-a istinadən bildirir ki, sorğu məlumatlarına əsasən, yaxın 1 ildə şirkətlərin 35%-i öz simsiz şəbəkələrinin təhlükəsizliyinin təkmilləşdirilməsi ilə məşğul olacaqlar. Respondentlərin 32%-i yeni nəsil fayervol almaq planları haqqında bölüşüblər, 29%-i isə zərərli proqram təminatının aşkar edilməsi üzrə ən müasir üsullara fokuslanmaq niyyətindədir. İştirakçıların 63%-i isə təhdidlərə monitorinq sistemlərini təkmilləşdirməyə hazırlaşırlar.

Bank sektorunun nümayəndələri şəbəkə təhlükəsizliyində maraqlıdırlar. Burada informasiya texnologiyalarına sərf olunan xərclər 2014-cü ildə 4,2% artacaq və 430 milyard dollar təşkil edəcək. IDC analitiklərinin proqnozuna əsasən, 2020-ci ilə bu investisiyaların həcmi 500 milyard dolları ötəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.