Texnologiya

Pulsuz WhatsApp dönəmi bitdi!

31 Yanvar 2013 09:27
0 Şərh     Baxış: 2 324
VTB-də yüksək depozit faizleri daha çox qazandırır
Milli.Az The Standard-a istinadən bildirir ki, WhatsApp Messenger proqramı bu günədək yalnız iOS əməliyyat sisteminin istifadəçiləri üçün 0,99 dollara satılırdı. Android, Symbian və Windows əməliyyat sistemli smartfon sahibləri isə proqramdan pulsuz istifadə edirdilər.

WhatsApp Messenger istehsalçısı dünən Honkonqda bəyan edib ki, istifadəçilər proqramdan yararlanmaq istəyirlərsə, bundan sonra ildə 0,99 dollar ödəməlidirlər.

Blackberry smartfonları, Windows platformasında olan telefon sahibləri və Nokia işlədən şəxslər proqram üçün hər il 0,99 dollar ödəməlidirlər.

iPhone sahibləri isə yalnız bir dəfə, proqramı smartfona yükləyəndə 0,99 dollar ödəyəcək, sonra isə bir qeydiyyat akkauntundan istədikləri qədər proqramı yükləyə bilərlər.

Məhdudiyyətsiz sayda mətn mesajları və fotolarla mübadiləyə imkan verən pulsuz WhatsApp proqramı indiyədək ən çox yüklənən proqram idi.

Android əməliyyat sistemi ilə çalışan smartfon sahibləri WhatsApp Messenger-in pullu olmasından çox narazı qalıblar.

Bununla bağlı olaraq milyonlarla Android istifadəçisi WhatsApp Messenger-dən imtina edəcəklərini deyiblər.

WhatsApp-ın baniləri Ekton Yan Koum isə bəyan ediblər ki, proqramda reklam yerləşdirmək istəmədikləri üçün messenceri pullu ediblər.

Milli.Az
Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.