PUL
"ChatGPT" bəzi hallarda istifadəçilərə yalan və əsassız elmi açıqlamalar verib, hətta uzun söhbətlərdə onları çaşdırıb.
Milli.Az xəbər verir ki, 2023-cü ilin mayından 2025-ci ilin avqustuna qədər olan onlayn yazışmaların arxivi bunu sübut edir.
Məlumata görə, bir istifadəçi özünü yanacaqdoldurma məntəqəsində işləyən şəxs kimi təqdim edib və ChatGPT ilə beş saatlıq dialoq qurub. Söhbət zamanı chatbot ona "Orion tənliyi" adını verdiyi uydurma fizika konsepsiyasını izah edib və "kainatın təbiəti haqqında düşünməyin normal iş zamanı dözülməz görünə biləcəyini" bildirib. İstifadəçi dialoqdan sonra "ağlını itirdiyini" etiraf edib.
Başqa bir söhbətdə "ChatGPT" guya yadplanetlilərlə əlaqə saxladığını, istifadəçinin isə Lyra planetindən "Ulduz toxumu" olduğunu iddia edib. İyul ayında isə chatbot qarşıdakı iki ayda "Dəccalın maliyyə apokalipsisi yaradacağı" barədə əsassız proqnoz verib.
Mütəxəssislər bu halları "süni intellekt psixozu" və ya "AI cəfəngiyyatı" adlandırırlar.
OpenAI isə məsələ ilə bağlı açıqlamasında nadir hallarda "ChatGPT"nin belə halları "tanımadığını" qəbul edib. Şirkət psixi pozğunluqları aşkar edən yeni alətlər üzərində işlədiyini və uzun dialoqlar zamanı istifadəçilərə fasilə vermələri barədə xəbərdarlıqlar əlavə etdiyini bildirib.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
