Sağlamlıq

Sağlamlıq üçün nektarin yeyilməlidir

10 Avqust 2025 02:02
Baxış: 1 064
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #QİDA #MEYVƏ-TƏRƏVƏZ

Nektarin dadlı və şirin yay meyvəsidir.

Milli.Az qafqazinfo-ya istinadən xəbər verir ki, bu meyvə A, C və E vitaminləri, antosiyaninlər də daxil olmaqla müxtəlif antioksidantlar ehtiva edir.

Bu antioksidanlar hüceyrələri sərbəst radikallardan, orqanizmi isə bir çox xəstəliklərdən qoruyur.

Nektarin xüsusilə C və A vitaminləri ilə zəngindir. Bu vitaminlər dərinin elastikliyini artırır, qırışları azaldır və dərini cavanlaşdırır.

C vitamini immunitet sistemini gücləndirir və orqanizmin infeksiyalara qarşı müqavimətini artırır. A vitamini isə göz sağlamlığını qoruyur və dəri sağlamlığını dəstəkləyir.

Bu meyvə ürəyin sağlamlığını qorumağa kömək edən kaliumla zəngindir. Kalium qan təzyiqini tənzimləyir və hipertoniya riskini azaldır.

Nektarində həmçinin maqnezium və dəmir kimi vacib mineralları var. Həmçinin nektarin istehlakı qan şəkərinin səviyyəsini tarazlaşdırmağa kömək edir.

Bu meyvə böyrək daşı yaranmasının və müxtəlif əzələ ağrılarının qarşısını alır.

Tərkibindəki liflərlə qəbizlik kimi həzm və bağırsaq problemlərinə faydalıdır, eləcə də bağırsaq sağlamlığını da qoruyur.

Nektarinlər aşağı kalorili və yüksək lif tərkibi ilə pəhriz saxlayanlar üçün ideal qəlyanaltı hesab olunur. Tox saxlayaraq lazımsız kalori qəbulunun qarşısını alır. Həmçinin maddələr mübadiləsini gücləndirir, arıqlamağa kömək edir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.