Texnologiya

“Instagram”da 18 yaşdan aşağı istifadəçilərə qadağa

16 Oktyabr 2025 13:17
Baxış: 1 542
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #INSTAGRAM #SOSİAL ŞƏBƏKƏLƏR #QADAĞA

"Instagram"ın sahibi Meta yeniyetmə istifadəçiləri üçün təhlükəsizliyi artırmaq məqsədilə PG-13 film reytinqlərinə əsaslanan yeni məzmun məhdudiyyətləri tətbiq edib.

Milli.Az xəbər verir ki, şirkət bildirib ki,18 yaşdan kiçik istifadəçilər artıq yalnız yaşlarına uyğun məzmunu görə biləcəklər.

Yeni sistemə əsasən, bütün yeniyetmə hesabları avtomatik olaraq 13+ parametrinə uyğunlaşdırılacaq və bu ayardan çıxmaq üçün valideyn icazəsi tələb olunacaq. Beləliklə, gənc istifadəçilərin "alkoqol" və "qora" kimi mövzular üçün axtarış aparması bloklanacaq. Bu yenilik Meta-nın daha öncə  özünə zərər vermə və yemək pozğunluğu kimi mövzulara qarşı tətbiq etdiyi qorumalara əlavə olunur.

Bundan başqa, yaşa uyğun olmayan məzmun paylaşan hesabları izləmək də yeniyetmələr üçün mümkün olmayacaq. Artıq belə hesabları izləyən 18 yaşdan kiçik istifadəçilər onların məzmununa baxa, onlarla mesajlaşa və ya paylaşım altına şərh yaza bilməyəcəklər.

"Meta" həmçinin süni intellekt sistemlərinə də yeni qaydalar tətbiq edib. Şirkət bildirib ki, "Instagram" daxilindəki AI köməkçiləri PG-13 filmində uyğun olmayan cavablar verməməlidir.

Valideynlər üçün isə ayrıca "Məhdud Məzmun" rejimi təqdim olunacaq. Bu rejim aktivləşdirildikdə yeniyetmələrin lentlərindəki məzmun daha sərt şəkildə süzüləcək və onların yazı paylaşmaq, şərh yazmaq və ya şərh qəbul etmək imkanları məhdudlaşdırılacaq.

"Meta"nın bu addımı "YouTube" və "OpenAI" kimi şirkətlərin gənc istifadəçilərin təhlükəsizliyini artırmaq məqsədilə oxşar addımlar atmasından sonra gəlib. Şirkət ilin sonuna qədər bu yenilikləri bütün istifadəçilər üçün tam tətbiq etməyi planlaşdırır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.