Texnologiya

Məşhur telefon markası fəaliyyətini dayandıracaq - FOTO

3 May 2025 05:05

Baxış: 1 729

VTB-də minimal faiz dərəcəsi ilə nağd kredit 10.49%-dən

#MARAQLI #TEXNOLOGİYA #MOBİL TELEFON

LG şirkəti 2025-ci ilin iyun ayından etibarən mobil cihazlara verdiyi bütün texniki dəstəyi tamamilə dayandıracaq.

Milli.Az xəbər verir ki, LG-nin mobil bölməsi rəsmi olaraq 2021-ci ilin aprelində bağlanıb. Şirkət smartfon bazarından çıxaraq diqqətini elektrikli nəqliyyat vasitələri (EV) və digər texnologiyalara yönəltdiyini bildirmişdi. Brendin son flaqman modeli LG Wing 2020-ci ilin oktyabrında təqdim edilmişdi. Smartfon xəttini dayandırmasına baxmayaraq, LG istifadəçilərə Android 12-ə qədər sistem yeniləmələri və təhlükəsizlik yamaları təqdim edirdi.

Lakin şirkət bu yaxınlarda rəsmi forumu vasitəsilə açıqlama yayaraq FOTA yeniləmə sistemi, LG Bridge və yeniləmə mərkəzi daxil olmaqla, bütün dəstək xidmətlərinin 30 iyun 2025-ci il tarixindən etibarən dayandırılacağını bildirib.

LG yaydığı bəyanatda mobil cihaz istifadəçilərinə illər ərzində göstərdikləri dəstəyə görə təşəkkür edib. Açıqlamada qeyd olunur ki, artıq LG smartfonlarının proqram təminatı yenilənməyəcək və bu sahədə fəaliyyət tamamilə dayandırılır.

Bu qərar çox güman ki, hazırda LG smartfonu istifadə edənlərin böyük əksəriyyətinə təsir etməyəcək, çünki əksər cihazlar köhnəlmiş sayılır. Bununla belə, bəzi LG modellərinin gələcəkdə koleksiya dəyəri qazanacağı ehtimal edilir.

Fidan
Milli.Az