Dünya

Bu ölkədə qadınlar məcburi hərbi xidmətə cəlb olunacaq

1 İyul 2025 21:04
Baxış: 1 815
VTB-də minimal faiz dərəcəsi ilə nağd kredit 9.9%-dən
#HƏRBİ #DENMARK #QADIN

Danimarka parlamentinin iyunun 11-də qəbul etdiyi qanuna əsasən, bu gündən etibarən yaşı 18-dən yuxarı olan bütün qadınlar məcburi hərbi xidmətə cəlb olunacaq və püşkatma sisteminə daxil ediləcək. 

Milli.Az-ın xarici mediaya istinadla xəbərinə görə, Danimarkada qanunda edilən dəyişiklik qüvvəyə mindikdən sonra, qadınlar da 18 yaşına çatdıqda 11 ay müddətində hərbi xidmətə çağırıla bilərlər.

Yeni qanuna əsasən, Danimarka parlamenti qadınların da kişilər kimi lotereya sistemi ilə hərbi xidmətə seçilməsini nəzərdə tutan qaydaları qəbul edib. Bu sistemə əsasən, bütün gənclər - həm oğlanlar, həm də qızlar - hərbi xidmətə cəlb oluna bilər.

Bu dəyişiklik Avropada artan təhlükəsizlik narahatlıqları fonunda NATO ölkələrinin müdafiə xərclərini artırması ilə əlaqədar həyata keçirilib.

İndiyə qədər isə Danimarkada qadınlar 18 yaşa çatdıqda yalnız könüllü şəkildə hərbi xidmətə qoşula bilirdilər. Yeni qanunla bu artıq məcburi əsasda da tətbiq oluna biləcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.