PUL
.jpg)
.png)
Texnologiya və süni intellekt sahəsində innovativ yanaşmaları ilə tanınan İlon Mask bu dəfə də nəqliyyat sektorunda diqqətçəkən yeniliyə imza atmaq üzrədir.
Milli.Az xəbər verir ki, "Tesla"nın məqsədi yalnız elektrikli avtomobillərlə bazarı dəyişmək deyil. Şirkət indi sürücüsüz tam avtonom taksi xidməti ilə nəqliyyatın gələcəyini formalaşdırmağa çalışır. Bu məqsədlə yaxın aylarda reallaşdırılacaq pilot layihə təkcə Tesla üçün deyil, bütövlükdə avtomobil sənayesi üçün dönüş nöqtəsi ola bilər.
2025-ci ilin iyun ayında "Tesla" şirkəti Texas ştatının Ostin şəhərində "Project Rodeo" adlı avtonom taksi xidmətinin sınaq mərhələsinə start verməyi planlaşdırır. Bu layihə tam sürücüsüz sərnişin daşıma xidmətinə keçid üçün ilk ciddi addım hesab olunur.
"Project Rodeo" çərçivəsində yüksək səviyyədə avtonom idarəetmə proqram təminatı ilə təchiz edilmiş 10-20 ədəd Model Y avtomobilinin istifadəsi nəzərdə tutulur. Bu avtomobillər sürücüsüz rejimdə fəaliyyət göstərəcək və şəhər daxilində sərnişin daşıyacaq.Layihənin uğurla həyata keçirilməsi üçün Tesla artıq uzun müddətdir hazırlıq işləri aparır. Avtonom sistemlərin sınaqdan keçirilməsi məqsədilə təxminən 300 operator Ostin küçələrində müxtəlif ssenarilər üzrə prototiplərlə testlər aparır və real yol şəraitində süni intellektin davranışını təkmilləşdirmək üçün məlumatlar toplayır.
Mütəxəssislər bu təşəbbüsün Tesla-nın avtonom nəqliyyat bazarındakı iddialarını gücləndirəcəyini və şirkətin gələcək nəqliyyat konsepsiyalarının reallığa çevrilməsi yolunda əhəmiyyətli mərhələ olacağını düşünürlər.
Asya
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.png)
