Texnologiya

Evdə köhhnə telefonu olanlara ŞAD XƏBƏR

20 Yanvar 2025 11:01
Baxış: 4 385
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Bugünkü texnologiyanın sürətli inkişafı ilə bir çox insan köhnəlmiş və istifadəsiz qalan smartfonlarını sadəcə atır. Lakin, köhnə telefonlar əslində çox müxtəlif və faydalı funksiyalar yerinə yetirə bilər.

Milli.Az xəbər verir ki, istifadə etmədiyiniz smartfonu atmaq yerinə onu evinizdə müxtəlif məqsədlər üçün istifadə edə bilərsiniz.

Məsələn, köhnə telefonunuzu sadə bir təhlükəsizlik kamerası kimi istifadə etmək mümkündür. Bunun üçün yalnız bir neçə əsas avadanlıq, məsələn, stend, şarj cihazı və "Alfred Camera" kimi tətbiqetmələrə ehtiyacınız olacaq. Telefonu müvafiq bir yerə yerləşdirərək əsas telefonunuz vasitəsilə evdə baş verənləri uzaqdan izləyə bilərsiniz.

Əgər videoregistrator almağa pul xərcləmək istəmirsinizsə, köhnə telefonunuz əsl alternativə çevrilə bilər. "Droid Dashcam" kimi proqramlar vasitəsilə, yolda səyahət edərkən videolar çəkə və əyləncəli anları qeyd edə bilərsiniz. Eyni zamanda uşağınıza nəzarət etmək üçün də bu telefonlardan istifadə etmək mümkündür. Məsələn, "BabyCam" kimi tətbiqlər körpənizi izləməyin yanı sıra, ona uzaqdan da ünsiyyət qurmağa imkan tanıyır. Hər iki cihaza bu proqramı quraşdıraraq, övladınıza nəzarət etmək çox daha rahat və sərfəli olar.

Köhnə telefonunuzu əyləncə məqsədilə də istifadə edə bilərsiniz. Musiqi dinləmək, videolar izləmək və ya elektron kitablar oxumaq üçün bu telefon çox faydalı ola bilər. Həmçinin, əsas telefonunuzda batareya qənaəti əldə edər və diqqətinizi yayındıran amilləri azaldarsınız. Bu sadə dəyişikliklə köhnə telefonlar hələ də çox səmərəli bir alətə çevrilə bilər.

Asya
​Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.