Texnologiya

İPhone-nun kamerasının yanındakı dəlik nədir? - Görün nə işə yarayırmış

14 Yanvar 2025 21:05

Baxış: 2 298

VTB-də minimal faiz dərəcəsi ilə nağd kredit 9.9%-dən

#MARAQLI #TEXNOLOGİYA #İPHONE #MOBİL TELEFON

"iPhone" larda yerləşən kamera və flaş arasında olan kiçik dəliyin nə işə yaradığı istifadəçilərin marağına səbəb olur.

Milli.Az xəbər verir ki, bu dəliyin görünüşü çox kiçik olsa da o , görünüşündən daha funksionaldır. Bu detal iPhone 5-dən başlayaraq bütün modellərdə mövcuddur və ən son iPhone 16-da da saxlanılıb.

Bəs, bu dəliyin funksiyası nədir?

Bəzi istifadəçilər bu dəliyin yaxınlıq sensoru, kamera modulu və ya hətta flaşın bir hissəsi olduğunu düşünsələr də, əslində bu dəlik iPhone-un üçüncü mikrofonudur.Bu mikrofon xüsusilə arxa kamera ilə video çəkərkən səs yazmaq üçün istifadə olunur. Cihazın aşağı hissəsindəki mikrofon telefonla danışarkən və ya səs qeydi yazarkən aktiv olur. Ancaq bu kiçik dəlikdə yerləşən mikrofon videolar üçün daha təmiz və yüksək keyfiyyətli səs yazmağa yönəlib.

Apple bu mikrofonu "Studio" mikrofonu adlandırır. Bu kiçik mikrofon fon səs-küyünü azaltmaq və külək kimi səs maneələrini minimallaşdırmaq qabiliyyətinə malikdir. Nəticədə, istifadəçilərə daha aydın və keyfiyyətli səsli videolar təqdim edir.

Fidan
Milli.Az