Texnologiya

2024-cü ilin ən populyar telefon markaları - SİYAHI

16 İyul 2024 20:28

Baxış: 3 176

#MARAQLI #TEXNOLOGİYA #MOBİL TELEFON

Qlobal telefon satışları 2024-cü ilin ikinci rübündə illik müqayisədə 6% artaraq, son üç ilin ən sürətli illik artım tempini müəyyənləşdirib.

Lent.az xəbər verir ki, süni intellektin tətbiqi insanları telefonlarını təkmilləşdirməyə təşviq edir. Ekspertlər 2024-cü ilin sonuna qədər süni intellektlə işləyən cihazların ümumi smartfon bazarının 11 faizini təşkil edəcəyini gözləyirlər.

Nəticələrə görə, "Samsung" bazarın 20 faizini (5 faiz artaraq) tutaraq dünyada ən çox satılan smartfon brendi olaraq qalır.

Sonrakı yerdə 16 faiz (illik -1 faiz) payla Amerikanın "Apple" korporasiyası gəlir.

"Xiaomi" ilk 3 qlobal smartfon istehsalçısını bağlayır (22 faiz artım), ondan sonra "Vivo" (8 faiz) və "Oppo"dur (8 faiz).

İlk beş markanın ümumi payı ötən illə müqayisədə, əsasən "Huawei" və "Honor" kimi brendlərin təzyiqi ilə azalıb. Digər tərəfdən, ilk onluğa daxil olan brendlərin payı 90 faizə yaxındır.

"Apple"ın planlarında heç nə dəyişməzsə, "iPhone 16" seriyası sentyabrda təqdim olunacaq. Eyni zamanda iOS 18 də buraxılacaq , bu "Apple" tarixində ən əhəmiyyətli və əsas yeniləmələrdən biri adlanır.

Milli.Az
Xəbərlərimizi WhatsApp kanalımızdan da oxuyun