Texnologiya

“iPhone 16 Pro”nun qiyməti və xüsusiyyətləri açıqlandı

6 İyul 2024 22:48

Baxış: 2 873

#TEXNOLOGİYA #İPHONE #APPLE

"iPhone 16" smartfonun buraxılışı 2024-cü il sentyabrın ortalarına planlaşdırılır.

Milli.Az lent.az-a istinadən bildirir ki, 2024-cü ilə planlaşdırılan "Apple"ın premium smartfonu ekran ölçüsü və arxa kamerası ilə fərqlənəcək.

Məlumata görə, telefonla bağlı yayılan şayiələrin əksəriyyəti təsdiqlənib. "iPhone 16 Pro"nun aparat əsasını "Apple A18 Pro" tək çip sistemi təşkil edəcək. O, 8 GB operativ yaddaşla tandemdə işləyəcək.

Diqqət çəkən dəyişikliklər arasında 120 Hz yeniləmə tezliyi və 1600 nit-ə qədər parlaqlıq dərəcəsi ilə 6,1-dən 6,3 düymədək böyüyən ekran var. Gələcək "Apple" flaqmanı həm də "Samsung M14" texnologiyası ilə yığılmış ən yeni və ən qabaqcıl matrisi alacaq. Deyirlər ki, bu, sənayenin ən gözəl ekranı olacaq.

Yeniləməni gözləməyin başqa bir səbəbi yeni qabaqcıl kameradır. Smartfon 48 meqapiksellik əsas modul, 48 meqapiksellik enli sensor (12 meqapiksellik əvəzinə) və keyfiyyətini itirmədən 5x böyütmə ilə 12 meqapiksellik periskop telefoto kamera ilə təchiz ediləcək. Bədəndə kamera sistemi üzərində daha yaxşı nəzarəti təmin edəcək yeni "Capture" düyməsi yerləşdiriləcək.
"iPhone 16 Pro"nun batareya tutumu 3577 mAh olacaq (15 Pro üçün 3274 mAh əvəzinə). Bir az daha böyük batareya və daha çox enerjiyə qənaət edən "Apple A18 Pro" prosessorunun istifadəsi daha yaxşı batareyanın ömrünü təmin etməlidir.

Deyilənlərə görə, smartfon bahalaşmayacaq - başlanğıc model "iPhone 16 Pro" 999 dollara satışa çıxarılacaq.

Milli.Az