Texnologiya

Uzaqdakı sevgililər üçün yeni texnologiya: Öpüşü hiss etdirən 150 dollarlıq cihaz - (Video)

30 Avqust 2026 16:01

Baxış: 1 421

VTB-də minimal faiz dərəcəsi ilə nağd kredit 9.9%-dən

#MARAQLI #VİDEO #TEXNOLOGİYA #MOBİL TELEFON

Texnologiyanın inkişafı uzaq məsafədə yaşayan insanların ünsiyyət imkanlarını da dəyişir. Videozəng və mesajlaşmadan sonra indi fiziki təması imitasiya edən yeni texnoloji həllər də hazırlanır.

Milli.Az-ın məlumatına görə, bu istiqamətdə ən maraqlı nümunələrdən biri uzaqdan öpüş ötürməyə imkan verən cihazlardır. Sözügedən texnologiyanın müxtəlif şəhər və ölkələrdə yaşayan cütlüklər arasında emosional yaxınlığı artırmaq məqsədi daşıdığı bildirilir.

Cihazların iş prinsipi haptik texnologiyaya əsaslanır. İstifadəçi xüsusi silikon səthə dodaqlarını toxunduraraq öpüş göndərir. Sensorlar öpüş zamanı yaranan təzyiqi, hərəkəti və müddəti müəyyənləşdirir.

Toplanan məlumatlar rəqəmsal siqnala çevrilərək internet vasitəsilə qarşı tərəfin cihazına ötürülür. Qəbul edən qurğu isə həmin məlumatları fiziki hərəkətə çevirərək öpüş hissini mümkün qədər təqlid etməyə çalışır.

Beləliklə, yeni texnologiya uzaqda olan insanların yalnız bir-birini görməsi və eşitməsi deyil, müəyyən fiziki təmas hissini də yaşaması üçün imkan yaratmağı hədəfləyir.

Müəllif: Tural Hüseyn (Milli.Az redaktor)