Səhiyyə

Səhiyyə Nazirliyi Çində yayılan virusla bağlı əhaliyə MÜRACİƏT ETDİ

16 Yanvar 2020 09:49
4 Şərh     Baxış: 3 892

Səhiyyə Nazirliyi Çində yayılan virusla bağlı əhaliyə müraciət edib.

Milli.Az xəbər verir ki, nazirliyin mətbuat xidmətindən Trend-ə verilən məlumatda bildirilir ki, 31 dekabr 2019-cu ildə Çinin Hubei əyalətinin Vuhan şəhərində naməlum etiologiyalı sətəlcəm xəstəliyi aşkar olunub. 9 yanvar tarixində Çin hökuməti mediaya bu viruslu sətəlcəmin indiyə qədər aşkar edilməmiş yeni bir koronavirus səbəbindən baş verdiyini bildirib. Koronaviruslar soyuqdəymədən tutmuş Orta Şərq Respirator Sindromu və Şiddətli Kəskin Respirator Sindromuna (SARS) qədər müxtəlif xəstəliklərə səbəb olan böyük bir virus qrupudur.

Sözügedən ərazidə baş qaldıran xəstəliyin kliniki simptom və əlamətləri əsasən hərarətdir, bəzi pasiyentlərdə döş qəfəsi rentgenoqrafiyalarının nəticələrində hər iki ağciyərdə infiltrasiya və tənəffüs çatışmazlığı müşahidə olunub.

İlkin tədqiqatlar göstərir ki, xəstəlik insandan insana ötürülməyib.

Beynəlxalq sərnişinlər: ehtiyat tədbirləri

Sətəlcəmin səbəbi yeni koronavirus kimi görünsə də, ötürülmə potensialı və şəkli hələ də naməlumdur. Ona görə xəstəliyin baş qaldırdığı bölgələrə və ya bölgələrdən (hazırda Vuhan şəhəri) səfər edərkən kəskin respirator xəstəlik riskini aşağıdakı vasitələrlə azaltmaq məqsədəuyğun hesab edilir:

Kəskin respirator xəstəliklərdən əziyyət çəkən insanlarla yaxın təmasda olmamaq;

Əlləri mütəmadi yumaq, xüsusilə xəstə insanlar və onların ətraf mühiti ilə birbaşa təmasdan sonra;

Canlı və ya ölü ferma, yaxud da vəhşi heyvanlarla yaxın təmasdan çəkinmək;

Kəskin respirator infeksiyanın simptomlarını daşıyan sərnişinlər öskürərkən məsafə saxlamalı, öskürərkən və asqırarkən ağızlarını birdəfəlik istifadə üçün dəsmalla bağlamalı, əllərini yumalıdırlar.

ÜST səfərdə olan şəxslərə hər hansı bir xüsusi tədbir görməyi tövsiyə etmir.

Milli.Az

loading...

Şərh yaz:

4 Şərh:

  • Anonim
    Iquw · 16 Yanvar 12:2660

    Cini qoyun bir qiraga azerbaycannan danisin guya burda yoxdy o virusdan usaqlar bir teher oldu qizdirma sebebsiz sorada dehsetli oskurey dermanda xeyir elemir gozun qalir usagun uzunde halsiz istahsiz yatir butun gunu

    Cavab yaz
    • Anonim
      Ana · 16 Yanvar 22:3021

      əgər uşaq 3 yaşdan böyükdürsen uşaqa sirop vermeyin yazıqdı o siropların heç bir faydası yoxdu indi teze ağ turp çıxıb alın bir dene ovun içini bal qoyun seher hemin cıxan şireni verin uşaq içsin yene bal qoyun turpun içine axşama qeder şiresi çıxacaq gecede verin içib yatsin vallah men on iki ildi uşaqlarl bele saxlayiram sirop vermemişem heç vaxd heleki mende uşaq bronxitdi ösküreyi başladı dehşetli olur amma bu siropla hemen dayanır öskürek sınayın faydasını gprüb mene sağol deyeceksiz.üç dprd güne tamam kesir öskürek amma men her defe başlayanda on gün edirem içirler.

      Cavab yaz
      • Anonim
        nənəyə · 16 Yanvar 22:4711

        siz her öskürek xeberinde bu resepti yazmaqdan yorulmadız?

        Cavab yaz
  • Anonim
    Anonim · 16 Yanvar 23:5211

    Prospan siropu,viforen sami,vitamin c damci sagalacaq

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.