Sağlamlıq

Ürək pərdəsində maye toplanması nədir?

28 Noyabr 2021 19:32
0 Şərh     Baxış: 2 053
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Normal halda ürəyin ətrafını çevrələyən perikard adlanan kisədə 50 ml-yə qədər maye olur ki, bu maye ürəyin kisə içərisində normal hərəkətini təmin edir.

Milli.Az xəbər verir ki, bu barədə ürək-damar cərrahiyyə uzmanı Cabir Gülmalıyev məlumat paylaşıb.

Həkimin sözlərinə görə, bu maye səviyyəsinin patoloji artması perikardial effuziya adlanır və perikardial pərdənin özünün iltihabi yaxud orqanizmdə olan hər hansı bir xəstəliyin nəticəsi olaraq ortaya çıxır.

Perikardialeffuziya aşağıdakı hallarla bağlıdır:

- Perikardın istənilən xəstəliyi;
- Kəskin perikardit (viruslu, bakterial, vərəmli və ya idiopatik);
- Autoimmun xəstəliklər;
- Miokardın infarktından və ya ürək cərrahiyyəsindən sonra;
- Döş boşluğunun iti və ya küt travması;
- Kardioloji diaqnostik və ya müxtəlif intervensional prosedurlardan sonra;
- Bədxassəli törəmə, o cümlədən, digər orqanların birincili törəmələrindən metastazlar;
- Mediastinumun şüalandırılması;
- Uremiya ilə müşahidə edilən böyrək çatışmazlığı;
- Hipotireoz, xüsusilə də, miksedema;
- Perikarda uzanan aortanın disseksiyası;
- Bəzi dərman preparatları.

C.Gülmalıyev qeyd edib ki, kisənin içindəki təzyiq ürəyin işləmə gücünün qarşısını alacaq qədər yüksək olduqda, ürəyin fəaliyyəti pozulur. Əsas əlamət kimi ciddi təngnəfəslik, boğulma şikayətləri və xəstənin məcburi oturaq vəziyyət almasını göstərə bilərik.

Hər xəstə üçün mayenin səviyyəsinə əsasən individual müalicə üsulu seçilir.

"Dərman müalicəsinə tabe olmayan, davamlı artan və ürək boşluqlarına təsir göstərən maye toplanması hallarında isə ürək kisəsi punksiya edilərək toplanmış maye boşaldılır və həmin mayedən analiz təhlili aparılaraq toplanma səbəbi araşdırılır", - deyə həkim əlavə edib. /aztibb.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.