Sağlamlıq

COVID-19-un ağır gedişli klinik formasında immun aktivlik kəskin şəkildə zəifləyir

22 Noyabr 2021 23:34

0 Şərh Baxış: 691

VTB-də minimal faiz dərəcəsi ilə nağd kredit 9.9%-dən

#MARAQLI #SAĞLAMLIQ #KORONAVİRUS

Koronavirus mənşəli atipik viral pnevmoniya istisna olmaqla, istənilən etiologiyalı viral pnevmoniyalar əsasən yüngül keçir. Xəstəlik adətən 7-21 gün çəkir və xəstənin tam sağalması ilə başa çatır. Bu halda, nəinki antibiotik, ümumiyyətlə dərman müdaxiləsinə ehtiyac yoxdur. Ağır gedişli atipik pnevmoniyanın effektiv müalicə prinsipi isə yalnız fərdi yanaşma və fərdi təhlilə əsaslanmalıdır. Müalicə etnik, cinsi, coğrafi, irqi faktorlar və virusun ehtimal olunan serotipi nəzərə alınmaqla aparılmalıdır. Antibiotiklərin istifadəsi yalnız viral infeksiyaya ikincili bakterial infeksiyanın qarışdığı təsdiqləndiyi, eləcə də COVID-19-un müalicəsi zamanı deksametazon kimi qlikokortikoidlərin yüksək dozada istifadəsinə zərurət yarandığı hallarda göstəriş sayılır. Çünki həmin preparatların ikincili bakterial infeksiya törətmə riski yüksəkdir.

Milli.Az xəbər verir ki, bu fikirləri tibb elmləri doktoru, professor Musa Qəniyev deyib.

Professor bildirib ki, COVID-19-un aşağı tənəffüs yollarına transformasiyası mikroaspirasiya yolu ilə baş verir: "Ona görə də infeksiyanın xüsusən çox ağır gedişli klinik formasında immun aktivlik kəskin zəifləyir. Nəticədə ikincili bakterial infeksiyanın meydana çıxma ehtimalı hətta 90 faizi üstələyir. Bu halda, xəstənin kritik durumu ilə əlaqədar vaxt məhdud olur. Ona görə də qısa vaxtda bakteriyanın tipini təyin etmək mümkün olmur. Belə xəstələrə geniş təsir spektrli antibiotiklərin və florxunolonların istifadəsi mütləq zərurət və həyati göstərişdir".

Milli.Az