Sağlamlıq

COVID-19-a qarşı immuniteti gücləndirmənin yolları - İmmunoloq açıqladı

21 Oktyabr 2020 23:16
Baxış: 1 305

Viral İnfeksiyaların Qarşısının Alınması və Müalicəsi üzrə Elmi Məlumat Mərkəzinin direktoru, immunoloq Georgi Vikulovun sözlərinə görə, insanlar həyat tərzini dəyişdirməyə çalışarsa, viruslardan, xüsusən də, koronavirusdan özünü qoruya bilər.

Milli.Az xəbər verir ki, mütəxəssis istənilən virusa qarşı əsas müdafiə sisteminin immunitet olduğunu qeyd edib.

Vikulov stressdən uzaq durmağı, mütəmadi idmanla məşğul olmağı məsləhət görüb.

"Mövsümi viral xəstəliklərə yaxşı hazırlaşmaq lazımdır. Müntəzəm idman və ya əksinə heç bir aktivliyin olmaması immunitetə ciddi təsir edir. Hərəkətsiz həyat tərzi immuniteti zəiflədir. İdman da daxil olmaqla həddindən artıq fiziki fəaliyyətlə əlaqədar olaraq, həddindən artıq yükləmə də eyni dərəcədə immunitetə mənfi təsir göstərir. Bədənin məruz qaldığı həddindən artıq yük sıxıntıya çevrilən və endokrin mexanizmlər sayəsində bir çox immunoloji reaksiyanı boğan güclü bir stress faktorudur".

Bundan əlavə, həkim vətəndaşları yemək vərdişlərini dəyişdirməyə çağırıb. Çox yağlı qidalar yeməməyi məsləhət görüb. O, qeyd edib ki, yüksək yağlı qidaların xolesterin səviyyəsinin yüksəlməsinə və nəticədə immun sisteminə mənfi təsir edir.

Bundan başqa immunoloq pis vərdişlərdən imtina etməyi məsləhət görüb. Siqaret çəkməyin və tez-tez alkoqol istifadəsinin immun sistemini zədələdiyi qeyd olunur. Viruslardan müdafiəni gücləndirmək istəyənlər üçün mütəxəssislər bu asılılıqlardan qurtulmağı məsləhət görür. (publika.az)

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.