Koronavirus hansı orqanlara zərbə vurur? - Professor pandemiyadan sonrakı fəsadlarından danışdı

Bir çoxu əmindir ki, koronavirus əvvəlcə ağciyərləri zədələyir. Ancaq yeni düşmənin əsas hədəfinin damarlar olduğunu təsdiqləyən daha çox məlumatlar ortaya çıxıb. Alman tədqiqatçıları COVID-19 olan 100 xəstənin vəziyyətini öyrəndikdən sonra xoşagəlməz nəticələr əldə edib. Məlum olub ki, infeksiya kiçik damarlara, kapilyarlara təsir edir ki, nəticədə mikrotromb əmələ gəlir. Hər yerdə damarlar olduğundan hər hansı orqan əziyyət çəkə bilər. Ağciyərlərin daha çox zədələnməsinin səbəbi isə orada başqa yerlərdən daha çox qan damarlarının olmasıdır.

Milli.Az xəbər verir ki, xəstəliyin şiddətindən asılı olmayaraq, xəstələrin 60%-də 3-4 aydan sonra miokardit - ürək əzələsinin iltihabının meydana gəldiyi üzə çıxıb. Bu, patoloji xəstələrin 25%-nin 10 il ərzində vaxtından əvvəl ölümünə səbəb ola bilər. Tədqiqatçıların fikrincə, COVID-19 xəstələrində miokarditin inkişafı xəstəliyin şiddətindən asılı deyil. İltihab reanimasiyaya müraciət edənlərdə və evdə yüngül infeksiya keçirənlərdə olur.

Rusiya Səhiyyə Nazirliyinin baş kardioloqu, Kardiologiya Milli Tibbi Tədqiqat Mərkəzinin rəhbəri, Rusiya Elmlər Akademiyasının akademiki Sergey Boytsovun sözlərinə görə, COVID-19 epidemiyası insanların ürək-damar sağlamlığına görünməmiş zərbə vurub. Professor risk əlamətlərini sadalayıb və vaxt itirmədən həkimə müraciət etmək lazım olduğunu bildirib. Kardioloq qeyd edib ki, hər bir ürək-damar xəstəliyinin öz əlamətləri var.

1. Ürək çatışmazlığında artan təngənəfəslik təhlükəli əlamətdir.

2. Ürək ritminin pozulmasını artan tezlik və ya ürək işində fasilələrin artması duyğuları müşayiət edirsə, kardioloqa müraciət edin.

3. COVID-19 xəstəliyindən əvvəl qan təzyiqini aşağı salan dərmanların əvvəlkindən effektiv şəkildə kömək etməməsi həyəcanverici siqnaldır.

4. Akademik infarktın ən vacib simptomunu da xatırladıb: sinədə çox sıx ağrı varsa, diqqətli olmaq lazımdır. "Çox vaxt o sinənin ortasında lokallaşır, təzyiq göstərir, sol qola və alt çənəyə yayıla bilər. Bu vəziyyət bir neçə dəqiqə davam edərsə, təcili yardım çağırın", - S.Boytsov vurğulayıb. (publika.az)

Milli.Az