Sağlamlıq

Diabetin faizi niyə qalxır? - Professor AÇIQLADI

14 Sentyabr 2020 06:30
Baxış: 2 497
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Türkiyənin Obezite və Metabolik Cərrahiyyə Mütəxəssisi Prof. Dr. Alper Çelik şəkərli diabetin artmasının səbələrini açıqlayıb.

Milli.Az həkimin fikirlərini təqdim edir:

"İnsan bədəni yediyi karbohidratları şəkərə (qlükozaya) parçalayır. Mədəaltı vəzdə əmələ gələn insulin adlı hormon bədən hüceyrələrinə həmin şəkəri enerjiyə çevirmək göstərişi verir. Diabetin yaranmasına isə insulinin hasil olunmaması və ya hormonun funksiyasını yerinə yetirməməsi səbəb olur. Nəticədə, qanda şəkərin miqdarı artır".

"Diabet nisbətinin artmasının ən böyük səbəbi həyat tərzinin daim dəyişməsidir. Məsələn, texnologiyanın gündən-günə inkişaf etməsi və özünü yeniləməsi iş həyatında artan stresə, sağlam olmayan qidalanmaya və oturaq həyata səbəb olur. Şəkərli diabetin artmasının başqa bir amili idman etmək vərdişinin olmamasıdır. Hazırda nizamlı idman mədəniyyəti o qədər də inkişaf etməyib. Bu hərəkətsiz həyat tərzi diabet riskini artırır. Bundan əlavə, yetərsiz və pis qidalanma vərdişi də şəkər xəstəliyinə səbəb olan amildir. "Fast food" və hazır yemək mədəniyyətinin formalaşması nəticəsində diabet nisbətinin artdığı müşahidə edilib" - deyə, cərrah əlavə edib. (publika.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.