Sağlamlıq

Bu ət qaraciyər xərçənginin qarşısını alır

5 Noyabr 2014 11:02
1 Şərh     Baxış: 3 410
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #ARAŞDIRMA

Qaraciyərinizi qorumaq üçün toyuq ətini qida rasionunuzda bol edin! Alimlərin yeni araşdırmaları bunun vacib olduğunu təsdiqləyir

Toyuq ətinin qırmızı ətdən (mal, qoyun və digər) üstün olduğunu alimlər əvvəlki araşdırmalarında da təsdiq edib. Lakin amerikalı ekspertlərin son araşdırmaları bunu birmənalı təsdiqləyib. Qırmızı ətin toksiki tərkibi və səhhətə zərərli piyi xərçəng, hipertoniya və iflic kimi təhlükələrlə qarşılaşmaq riskini artırdığı məlum idi. Yeni araşdırma isə sübut edir ki, toyuğun ağ əti (filesi) qaraciyər xərçəngi (hepatosellülar karsinoma) riskini 31 faizədək azaldır. Alimlər 1956-cı ildən 2013-cü ilədək aparılmış araşdırmaları təhlil edərək bu nəticəyə gəliblər.

Milli.Az APA-ya istinadən xəbər verir ki, qırmızı ətdə yağ və dəmirin yüksək həcmi qaraciyər xərçənginin yaranmasına təsir edir.

Yeni araşdırma toyuq ətinin balıq ətindən də faydalı olduğunu təsdiqləyir. Balıq əti yeyənlərin qara ciyər xərçəngi xəstəliyi ilə diaqnoz olunma riski qırmızı ət yeyənlərdən 22 faiz aşağıdır. Halbuki mütəmadi toyuq əti yeyənlər üçün bu risk 31 faiz azalır.

"Alimentary Pharmacology and Therapeutics" (Qida farmakologiyası və terapevtika) jurnalının son sayında dərc olunmuş araşdırmanını müəllifləri gəldikləri nəticənin insanlar üçün faydalı olacağına ümid edirlər. "Qida rasionuna müdaxilələr və həyat tərzinin dəyişilməsi ilə qaraciyər xərçənginin qarşısını almaq olar", - alimlər buna əmindirlər.

Amerika Xərçəng Xəstəlikləri Cəmiyyətinin məlumatına görə, bu il qaraciyər xərçəngi ilə diaqnoz olunanların sayı 33 mindən artıq olacaq. Ümumiyyətlə isə, hər il dünyada bu xəstəlikdən 600 min adam dünyasını dəyişir. Xəstəliyə yoluxanlar arasında kişilərin sayı qadınlara nisbətən daha çoxdur.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.