Sağlamlıq

Səhiyyə naziri AİDS-lə mübarizə sahəsində mükafatlandırıldı

30 Aprel 2013 14:00
Baxış: 934
VTB-də minimal faiz dərəcəsi ilə nağd kredit 10.49%-dən
Trend xəbər verir ki, bu məqsədlə keçirilən mərasimdə AİDS-lə Mübarizə İctimai Birliyinin sədri Nofəl Şirinov bildirib ki, mükafat üçün təqdimatı məhz onların təşkilatı təqdim edib.

Onun sözlərinə görə, nazir bu mükafata Azərbaycanda HİV epidemiyasının qarşısının alınmasındakı xidmətlərinə görə layiq görülüb. O, bu mükafatın Azərbaycanda ilk dəfə təqdim olunduğunu da söyləyib.

Şirinov Azərbaycanda HİV-ə yoluxan xəstələrin dövlətdən mütəmadi olaraq dərman və ləvazimatlarla təmin olunduğunu qeyd edib.

Yığıncaqda o da bildirilib ki, Respublika AİDS-lə Mübarizə Mərkəzində rəsmi qeydiyyata alınan xəstələrin 62,8 faizi iynə yolu ilə narkotik istifadəçiləridir. 2013-cü il yanvarın 1-nə olan rəsmi məlumata görə, ölkədə HİV virusuna yoluxan 3784 nəfər rəsmi qeydiyyata alınıb. Azərbaycanda HİV-lə yoluxma halı ilk dəfə rəsmi olaraq 1987-ci ildə qeydə alınmasına baxmayaraq, HİV-li xəstələrin 90 faizi dövlət tərəfindən son 10 ildə qeydiyyata götürülüb. HİV-ə yoluxan uşaqların sayı da proporsional olaraq artır və hazırda 55 nəfərdir.

Tədbirdə UNAİDS-in Azərbaycan ofisinin rəhbəri Cəmilə Cərrahova da çıxış edərək regionda və Azərbaycanda HİV/AİDS-lə bağlı vəziyyətə dair bəzi məsələlərə aydınlıq gətirib.

Sonda səhiyyə naziri Oqtay Şirəliyevin layiq görüldüyü "Dəstəyə görə Təşəkkür" mükafatı Səhiyyə Nazirliyinin nümayəndəsinə təqdim olunub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.