Sağlamlıq

Diyetoloq zərərli şirniyyatlara alternativi açıqladı

22 Avqust 2026 02:02

Baxış: 1 582

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #QİDA

Şirniyyat insanın əhvalını qısa müddətə yaxşılaşdıra bilər. Lakin pəhriz saxlayanlar üçün hansı şirniyyatların daha münasib olduğu sual doğurur. Diyetoloqlar bu baxımdan zefiri alternativ məhsullardan biri hesab edirlər.

Milli.Az oxu.az-a istinadən xəbər verir ki, rusiyalı diyetoloq, tibb elmləri namizədi Yelena Solomatina bu barədə "Radio 1"ə danışıb.

"Zefirin tərkibində əsas yeri şəkər və patoka tutur, buna görə də bu məhsul kifayət qədər şirindir. Lakin onun tərkibində aqar-aqar, jelatin və pektin kimi qatılaşdırıcılar da var. Məsələn, jelatin kollagen mənbəyidir və dəri, dırnaq və oynaqlar üçün əhəmiyyət daşıyır. Aqar-aqar isə liflə zəngindir. Pektin də bağırsaqların fəaliyyətinə müsbət təsir göstərə bilən qida lifidir. Bundan əlavə, zefirin tərkibində alma püresi olmalıdır", - deyə mütəxəssis bildirib.

Diyetoloqun sözlərinə görə, zefir yaxşı çalındığı üçün tərkibində çoxlu hava olur və bu səbəbdən məhsul daha həcmli görünür.

"Kalorilərin miqdarını azaltmaq istəyənlər üçün digər şirniyyatlarla müqayisədə zefir daha münasib seçim ola bilər. Konfet, tort və pirojnalarla müqayisədə onun kalorisi daha azdır. Buna görə də gündə bir ədəd zefirlə məhdudlaşmaq problem yaratmamalıdır", - deyə Solomatina qeyd edib.

Onun sözlərinə görə, qanda qlükoza səviyyəsinin yüksəlməsinə meyilli olanlara, diabet xəstələrinə və artıq çəkisi olan şəxslərə zefir tövsiyə edilmir.

"Lakin gün ərzində qəbul edilən ümumi kalorini nəzərə almaq lazımdır. Zefiri evdə də hazırlamaq, şəkər miqdarını azaltmaq və ya şəkər əvəzedicilərindən istifadə etmək mümkündür. Zefir, pastila və marmelad şirin bulkalar və bəzi digər şirniyyatlarla müqayisədə alternativ ola bilər", - deyə diyetoloq əlavə edib.

Müəllif: Tural Hüseyn (Milli.Az redaktor)