Sağlamlıq

Çirkli hava piylənmə yaradır? - Maraqlı araşdırma

12 May 2026 02:02

Baxış: 1 557

VTB-də minimal faiz dərəcəsi ilə nağd kredit 9.9%-dən

#HAVA #SAĞLAMLIQ

Havanın çirklənməsi qidalanma və fiziki aktivlik dəyişməsə belə, bədəndə piyin artmasına və əzələ kütləsinin azalmasına səbəb ola bilər.

Milli.Az xəbər verir ki, Balear Adaları Sağlamlıq Araşdırmaları İnstitutunun alimləri İspaniyada yaşayan 1454 nəfər üzərində araşdırma aparıblar. Nəticələr "Diabetes Care" jurnalında dərc olunub.

Tədqiqat zamanı PM2.5 hissəcikləri, azot dioksidi və dizel mühərriklərindən yaranan hisin insan orqanizminə təsiri araşdırılıb. Məlum olub ki, havası daha çirkli olan ərazilərdə yaşayan insanların bədənində zamanla piy faizi artır, əzələ kütləsi isə azalır.

Alimlər xüsusilə qarın boşluğunda toplanan və sağlamlıq üçün təhlükəli sayılan visseral piylə hava çirklənməsi arasında əlaqə aşkar ediblər. Araşdırmaya görə, xırda çirkləndirici hissəciklər qan dövranına daxil olaraq iltihab yarada və maddələr mübadiləsinə təsir göstərə bilər.

Bununla belə, tədqiqatçılar qeyd edirlər ki, araşdırma yalnız əlaqəni göstərir, səbəb-nəticə münasibəti isə tam sübut olunmayıb.

Milli.Az