Sağlamlıq

Gündəlik neçə saat qulaqcıq istifadə edə bilərik?

29 Oktyabr 2025 03:03
Baxış: 1 222
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Mütəxəssislər gündəlik qulaqlıq istifadəsi ilə bağlı vacib xəbərdarlıq ediblər.

Milli.Az xəbər verir ki, onların sözlərinə görə, qulaqlıqlardan istifadə zamanı səsin çox yüksək səviyyəyə qaldırılması eşitmə qabiliyyətinə ciddi zərər vura bilər.

Qulaq sağlamlığını qorumaq üçün "60/60 qaydası"na əməl etmək tövsiyə olunur, yəni səsin maksimumun 60 faizindən artıq olmaması və fasiləsiz dinləmənin 60 dəqiqədən çox çəkməməsi məsləhətdir. Səs səviyyəsi 85 desibeldən yuxarı olduqda təhlükəsiz dinləmə müddəti azalır, məsələn 88 desibeldə gündə 4 saat, 91 desibeldə isə cəmi 2 saat istifadə etmək mümkündür. Uzunmüddətli və yüksək səsdə istifadə qulaqda zədələnmə, tinnitus və eşitmə itkisi riski yaradır. Bundan başqa, qulaqlıqların tez-tez və uzun müddət qulaqda qalması daxili qulaq kanalında nəm və bakteriya yığılmasına, nəticədə infeksiya yaranmasına səbəb ola bilər. Mütəxəssislər gündə orta hesabla 2-4 saat qulaqlıqdan istifadə etməyi, hər saatdan sonra isə 5-10 dəqiqə fasilə verməyi məsləhət görürlər.

Qeyd olunur ki, yüksək səsdə qulaqlıqla musiqi dinləmək, xüsusən də küçədə və ya yolda olarkən, təhlükəsizlik baxımından da risklidir, çünki ətraf səslər eşidilməyə bilər. Ümumilikdə, gündə 6 saatdan çox fasiləsiz qulaqlıqdan istifadə qulaq sağlamlığı üçün təhlükəli hesab olunur.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.