Sağlamlıq

Hər evdə var! - Bu əşyalar sizi sonsuzlaşdırır

13 Oktyabr 2025 20:00
Baxış: 4 883
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ #HAMİLƏLİK #QADIN

Hər gün evimizdə istifadə etdiyimiz bəzi adi əşyalar, məsələn plastik qablar, yapışmayan tavalar, kosmetik vasitələr və hətta ətirli sabunlar uşaq sahibi olma qabiliyyətini azalda bilər.

Milli.Az xəbər verir ki, bu barədə mütəxəssislər xəbərdarlıq edib.

Elm adamları bildirir ki, bu əşyaların tərkibində olan endokrin sistemi pozan kimyəvi maddələr (PFAS, BPA və ftalatlar) orqanizmdə hormon balansını dəyişdirir, bu isə həm qadınlarda, həm də kişilərdə məhsuldarlığa mənfi təsir göstərir.

Britaniyanın Imperial College London universitetinin mütəxəssisləri qeyd edirlər ki, bu kimyəvi maddələr qida, hava və dəri vasitəsilə bədənə daxil olur və zamanla yumurtalıqlarda və sperma hüceyrələrində yığılaraq reproduktiv funksiyanı zəiflədir.

Alimlər bu yollarla riski azaltmağı tövsiyə edir:

  • Plastik qabları mikrodalğada qızdırmayın və isti günlərdə avtomobildə su butulkası qoymayın.
  • Yapışmayan tavaları paslanmaz polad və ya keramika ilə əvəz edin.
  • İşlənmiş və qablaşdırılmış qidaları, qazlı içkiləri azaldın.
  • "Ətirsiz" və "ftalatsız" kosmetika və təmizlik məhsulları seçin.
  • Vinil pərdələr, plastik xalçalardan uzaq durun.

Bu kimyəvi maddələrin tamamilə qarşısını almaq çətin olsa da, gündəlik vərdişlərdə kiçik dəyişikliklər gələcəkdə uşaq sahibi olma ehtimalını artırmağa kömək edə bilər.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.