Sağlamlıq

Pivə niyə qarnı piyləndirir? - Açıqlama

9 Sentyabr 2025 01:01
Baxış: 1 268
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #SAĞLAM QİDA

Rusiyalı ekspertlər "pivə qarnı"nın yaranma səbəbini açıqlayıb.

Milli.Az xəbər verir ki, "lenta"ya danışan ROSBİOTEX Universitetinin Dietologiya kafedrasının dosenti, gastroenteroloq Anastasya Lebedevanın sözlərinə görə, bu problem əsasən artıq kalori qəbulu və hərəkətsiz həyat tərzi ilə bağlıdır.

Həkim bildirib ki, pivənin 85 faizi karbohidratlardan ibarətdir və bir butulka pivənin kalorisi təxminən yağlı çörək parçasına bərabərdir. Müntəzəm pivə istifadəsi, xüsusən də axşam saatlarında, qarın boşluğunda yağların yığılmasına gətirib çıxarır. Üstəlik, pivə çox vaxt duzlu və yağlı qəlyanaltılarla içildiyindən, bir axşamda qəbul edilən kalori miqdarı 1000-i və daha çoxunu keçə bilir.

Qastroenteroloq yalnız həftədə 200-300 millilitr pivənin qəbulunun zərərsiz ola biləcəyini deyib, amma bu, yalnız sağlamlıq problemi olmayan insanlara aiddir. Onun sözlərinə görə, adi qəlyanaltılar əvəzinə az duzlu və az yağlı balıq və ya ət məhsullarına üstünlük vermək lazımdır.

Lebedeva xəbərdarlıq edib ki, əgər insan nadir hallarda pivə içsə də, qarın ölçüsü böyüyürsə, içkini tam məhdudlaşdırmaq və mütləq həkimə müraciət etmək lazımdır. Çünki qarın bölgəsinin davamlı böyüməsi daha ciddi xəstəliklərin əlaməti ola bilər və onları erkən mərhələdə aşkar edib müalicə etmək daha asandır.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.