Sağlamlıq

Bunları çayla qəti yemək olmaz!

19 İyul 2025 07:07
Baxış: 4 819
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #QİDA

Əslində çay yavan içiləcək içkidir. Uzağı, yanında qənd olsa, yetər. Amma müasir səhər süfrələrində çayla yanaşı, süfrəyə çoxlu şirniyyat və digər qidalar qoyulur ki, bunlar da orqanizmə zərərli təsir edir.

Milli.Az xəbər verir ki, çay tərkibindəki tanin sayəsində həzm sisteminə təsir edə bilir. Bu maddə müəyyən qidalarla birləşdikdə orqanizmdə dəmirin udulmasını azaldır və qan azlığına səbəb olur.

Səhər yeməyində və ya axşam çayında tez-tez istehlak edilən sosis, kolbasa, sucuk kimi işlənmiş ət məhsulları bu problemin əsas səbəbidir.

Mütəxəssislərin fikrincə, bu məhsullar çayla birlikdə istehlak edildikdə həm dəmir çatışmazlığına, həm də kanserogen təsirə səbəb ola bilər. Bu qidaların, xüsusilə nitratları yüksək olanların çayla birləşməsi mədə turşusuna təsir edərək həzm problemlərinə səbəb olur.

Dəmir bədənin sağlam işləməsi üçün vacib bir mineraldır. Çayın tərkibindəki taninlər onun bağırsaqlardan sorulmasına mane olur. Ətdən əldə edilən dəmir çayla birlikdə istehlak edildikdə bədən tərəfindən lazımi dərəcədə sorulmur.

Bu, xüsusilə qadınlar və uşaqlar arasında anemiya riskini artırır.

Diyetoloqlar yeməkdən ən azı bir saat sonra çay içməyi məsləhət görürlər. Onlar həmçinin çayın yanında qəlyanaltı kimi qoz-fındıq, meyvə və ya evdə hazırlanmış peçenye kimi sağlam alternativləri seçməyi məsləhət görürlər.  /Medicina.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.