Gələcəkdəki çəkinizi müəyyən edən məktəb vərdişləri - yeni araşdırma
VTB-də minimal faiz dərəcəsi ilə nağd kredit 9.9%-dən
"Science Direct" portalının yaydığı məlumata görə, yeniyetməlik dövründə formalaşan bəzi təhsil vərdişləri insanın gələcəkdəki bədən çəkisinə və bel ölçüsünə ciddi təsir edə bilər.
Araşdırma nəyi üzə çıxardı?
Pensilvaniya Dövlət Universitetinin sosiologiya üzrə professoru, aparıcı müəllif Miçel Frisko bildirib ki, onilliklərdir aparılan tədqiqatlar ali təhsil diplomlarının uzunmüddətli sağlamlıq və rifahla əlaqəli olduğunu göstərir. Lakin bu diplomlara gətirib çıxaran bir təhsil prosesi var ki, bu da məktəblərdə formalaşır və ailələr tərəfindən dəstəklənir.
"Əgər təhsilin sağlamlığa niyə təsir etdiyini tam anlamaq istəyiriksə, gərək bu prosesə daha əvvəldən - məktəb illərindən baxaq," - deyə tədqiqatçılar əlavə ediblər.
Gələcək çəkiyə təsir edən üç əsas məktəb vərdişi
Sosial-iqtisadi imkanları yüksək və ya özəl məktəblərdə oxuyan şagirdlər illər sonra daha sağlam bədən çəkisinə malik olurlar.
Orta məktəbdə daha inkişaf etmiş, qabaqcıl dərslərdə iştirak edənlərin də gələcəkdə çəkilərini daha yaxşı qoruduqları müşahidə edilib.
Məktəbdə populyar və sosial baxımdan aktiv olan şagirdlərin isə onillər sonra belə daha sağlam bədən formasına sahib olduqları aşkarlanıb.
Professor Friskonun sözlərinə görə, bu təsirlər xüsusilə qadınlarda daha güclü müşahidə olunub. Bu isə cəmiyyətin qadınlara qarşı daha çox "arıq olma" təzyiqi göstərməsi ilə əlaqələndirilir.
"Təhsil müəssisələrində formalaşan sosial qruplar sağlamlıq davranışlarını və həyat tərzini ciddi şəkildə təsir edir. Bu proses ailələrdə başlayır, məktəblərdə davam edir," - Frisko qeyd edib.
Psixoloqdan şərh: "Valideynlər bu amilləri nəzərə almalıdır"

Ailə psixoloqu Nabat Mirzəyeva mövzu ilə bağlı Milli.Az-a açıqlamasında bildirib ki, məktəb dövründə formalaşan sosial və təhsil mühiti uşaqların psixoloji inkişafına birbaşa təsir edir və bu, gələcəkdə onların sağlamlıq vərdişlərinə də sirayət edir:
"Sosial baxımdan aktiv uşaqların özlərinə inamı daha yüksək olur. Bu inam onların sonrakı illərdə idmanla məşğul olmaq, sağlam qidalanmaq və özlərinə baxmaq kimi davranışlarına təsir edir. Eyni zamanda, akademik uğur uşaqlarda məsuliyyət hissini gücləndirir. Bu da sağlamlıqla bağlı qərar verməyi asanlaşdırır," - deyə psixoloq vurğulayıb.
Mütəxəssisin sözlərinə görə, ailələr uşaqların təhsil aldığı mühitin yalnız akademik deyil, həm də sosial və psixoloji təsirlərini nəzərə almalıdır:
"Valideynlər məktəb seçimində yalnız reytinqə və akademik göstəricilərə yox, həm də uşağın orada özünü necə hiss edəcəyinə diqqət yetirməlidir. Uşağın sosial çevrəsi, müəllimlərlə münasibəti və dərsdənkənar fəaliyyətlərə qatılması da onun gələcək psixoloji və fiziki sağlamlığında önəmli rol oynayır".
Xəyal Abdullayev
Milli.Az
DİGƏR XƏBƏRLƏR
XƏBƏR LENTİ
-
Azad edilmiş ərazilərdə 152 mina, 1343 hərbi sursat tapıldı - Rəsmi
-
Azərbaycan millisi Andorra ilə qarşılaşacaq
-
Bakıda avtoxuliqanlıq edən sürücü həbs edildi - (Video)
-
""Hollivud"a dəvət alan ilk azərbaycanlı aktyoram" - (Video)
-
Bir mənzilin borcu bütün binanın istiliyinə təsir edəcək - Açıqlama
-
Makron özü ilə bağlı etiraf etdi: Hələ də yetkinləşə bilməyib
-
Azərbaycanda daha bir vəkil həbs edildi
-
İsmayıllıda keçmiş məktəb direktoru vəfat edib
-
Ermənistan telekanalında canlı efirdə dava - Siyasətçilər əlbəyaxa oldu - (Video)
-
Kamil Zeynallı qızının uğuruna kövrəldi - (Video)
-
Gürcüstan Brüsseldə keçiriləcək Aİ sammitindən imtina etdi
-
Nazirlikdən yaşa görə muavinətlərlə bağlı yeni xəbər
-
İki gündə 58 cinayət açıldı, 67 axtarışda olan şəxs tutuldu
-
Bakıda külək, rayonlarda qar, leysan... - Hava ilə bağlı son məlumat
-
Avropa Rusiyadan imtina edir, amma qaz böhranı dərinləşir - İndi kimdən asılıdır?
-
Paytaxtda küləyin fəsadları aradan qaldırılır - (Foto)
-
Əməl Sayın mirasını kimə qoyacaq?
-
Məktəblərdə payız tətili başladı
-
Muxtar Məmmədov vəfat etdi
-
Azərbaycan və Ermənistan nümayəndələri yenidən görüşəcək
-
Bakıda avtobus piyadanı vuraraq öldürdü
-
Bakıda güclü külək faciəyə səbəb oldu - Qadın hasarın altında qalaraq öldü
-
Serenay Sarıkayanı "Şabaniye"yə bənzətdilər - (Video)
-
2026-cı ilin qışı ilə bağlı şok proqnoz: Tarixdə cəmi 3 dəfə belə olub





