Maraqlı

Market alışverişini asanlaşdıran 6-5-4-3-2-1 üsulu

16 Noyabr 2026 00:31
Baxış: 151
VTB-də minimal faiz dərəcəsi ilə nağd kredit 9.9%-dən
#BAZAR

Marketə siyahısız gedən və evinə ehtiyacından artıq məhsulla qayıdanlar üçün sosial şəbəkələrdə populyarlaşan 6-5-4-3-2-1 üsulu diqqət çəkir.

Milli.Az xəbər verir ki, plansız xərclərin və qida israfının qarşısını almağı hədəfləyən bu qayda səbətə müəyyən sayda məhsul qoymağı təklif edir.

6-5-4-3-2-1 qaydası necə tətbiq olunur?
Üsulun əsasında hər alış-verişdə fərqli qida qruplarından müəyyən miqdarda məhsul seçmək dayanır:

6 tərəvəz (təzə, dondurulmuş və ya konservləşdirilmiş)

5 meyvə

4 zülal mənbəyi (yumurta, qatıq, paxlalılar, toyuq və ya balıq)

3 nişastalı məhsul (düyü, makaron və çörək)

2 sous və ya çəkilə bilən məhsul

1 zövq üçün qəlyanaltı

Üsulun üstünlükləri:
Plansız xərclərin qarşısını alır: Anlıq istəklər və endirimlərin təsiri ilə lazımsız məhsul alımını azaldır.

İsrafı azaldır: Həftə boyu fərqli yeməklərdə istifadə oluna biləcək məhsullar seçməyə kömək edir, beləliklə soyuducuda xarab olub zibilə gedən qidaların miqdarı azalır.

Tək yaşayan bir insanla böyük ailənin ehtiyacları fərqli olduğu üçün bu rəqəmlər ailə üzvlərinin sayına və büdcəyə uyğun olaraq dəyişdirilə bilər.

Müəllif: Ülkər Vəliyeva (Milli.Az redaktor)

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.