Sağlamlıq

Mədə ağrısını zəhərlənmə sandı, 36 saat sonra öldü

1 Aprel 2025 09:55

Baxış: 1 619

VTB-də minimal faiz dərəcəsi ilə nağd kredit 9.9%-dən

#DÜNYADA #HADİSƏ #SAĞLAMLIQ

35 yaşlı kişi qəfil dünyasını dəyişib.

Milli.Az ntv-yə istinadla xəbər verir ki, Londonda yaşayan 35 yaşlı Andrejs Glazyrina Bolqarıstanda ailəsi ilə tətildə olarkən qəfil pankreatit keçirərək həyatını itirib.

Hadisə yanvar ayında baş verib. Glazyrina əvvəlcə qidadan zəhərləndiyini düşünüb və qarın ağrılarından şikayətlənib. Ağrıları qısa müddətdə şiddətlənib və belinə yayılıb. Həyat yoldaşı Katerina ona dərmanlar alsa da, vəziyyəti pisləşib. O, uçuşunu ləğv edərək təcili yardım çağırıb.

Glazyrina xəstəxanaya çatdırıldıqdan sonra pankreatit diaqnozu qoyulub. O, həyat yoldaşına "narahat olma, tezliklə evə qayıdacağam" desə də, bir neçə saat sonra vəziyyəti ağırlaşıb və orqan çatışmazlığı səbəbilə reanimasiyaya yerləşdirilib. Ertəsi səhər Katerina onun vəfat etdiyini öyrənib.

Mütəxəssislərin bildirdiyinə görə pankreatit əsasən həddindən artıq alkoqol qəbulu və ya öd kisəsi daşları səbəbindən yaranır, lakin bəzi hallarda heç bir səbəb olmadan da baş verə bilər. NHS pankreatitin əsas əlamətlərindən birinin qəfil başlayan və getdikcə şiddətlənən, belə yayılan qarın ağrısı olduğunu bildirir.

İsmayıl
Milli.Az