Sağlamlıq

Yağlı qidalar niyə xoşumuza gəlir? - Həkim səbəbini açıqladı

27 Mart 2025 07:00

Baxış: 2 142

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #SAĞLAM QİDA

"İnsan yağlı və yüksəkkalorili bir şey yeyəndə beyin qana dofamin - həzz üçün cavabdeh olan neyromediator buraxır. Məhz dofamin həzz hissi yaradır və bizi bu hərəkəti təkrarlamağa motivasiya edir".

Milli.Az oxu.az-a istinadən xəbər verir ki, bunu endokrinoloq Darya Xaykina deyib.

Onun sözlərinə görə, bu, təkamül prosesinə əsaslanır: "Əcdadlarımız sərt şəraitdə yaşayıblar, buna görə də, onlara çoxlu miqdarda enerji lazım idi. Enerji isə kalorilərdən gəlir. Bu səbəbdən əcdadlarımız kifayət qədər yağlı və yüksəkkalorili qidalara üstünlük veriblər. Minlərlə illik təkamül nəticəsiz qalmayıb. Bizdə "şüuraltında" belə bir fikir var ki, yağlı qidalar axtarmalıyıq".

O həmçinin qeyd edib ki, araşdırmalara görə, beynimiz təkcə yağlı qidaların dadını deyil, həm də onların kaloriliyini xatırlamağa meyillidir: "Xüsusilə kalorili bir şey daddıqda, beyin dad və enerji arasında güclü bir əlaqə yaradır. Bu əlaqə bir vərdiş əmələ gətirir və tədricən qida üstünlüklərinə çevrilir".

Mütəxəssis vurğulayıb ki, yağ dildə və ağızda reseptorları stimullaşdırmaqla dad hisslərini gücləndirir, nəticədə, yeməkdən daha çox həzz alırıq.

Milli.Az