Sağlamlıq

Xurmada TƏHLÜKƏ: fikir vermədən iştahla yeyirik

8 Mart 2025 17:24
Baxış: 1 194
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #QİDA #MEYVƏ-TƏRƏVƏZ

Ramazan ayında süfrələrin əvəzolunmaz meyvəsi olan xurmaya tələbat artır. Lakin bəzi hallarda şəkər miqdarı aşağı olan xurmalar dadlandırmaq üçün glükoza şərbətinə batırılır ki, bu da sağlamlıq üçün təhlükə yarada bilər.

Milli.Az xəbər verir ki, diyetoloqlar glükoza şərbətinə batırılan xurmalarda parlaq görünüş və yapışqanlıq müşahidə olunduğunu bildirir.

Xurmanın mat rəngdə olması, yapışqan olmaması və parçalandıqda lif-lif ayrılmasının daha təhlükəsiz olduğunu qeyd edilir. Ekspertlər qablaşdırılmış xurmaların daha etibarlı olduğunu və açıqda satılan məhsulların etibarlı yerlərdən alınmasını tövsiyə edir.

Həkimlər isə glükoza şərbətinin yüksək kalori və karbohidrat tərkibinə malik olduğunu, bunun da ani insulin yüksəlişlərinə səbəb olduğunu vurğulayır.

Bu vəziyyət uzun müddətdə insulin müqavimətinə, piylənməyə və qaraciyər yağlanmasına yol aça bilər. Eyni zamanda, glükoza şərbətinin hipertoniya və ürək-damar xəstəliklərinə təkan və dolaylı olaraq kanserojenik təsir göstərə biləcəyini qeyd edilir.

Tövsiyələr:

Xurma seçimi: Mat rəngli, yapışqan olmayan və lif-lif ayrılan xurmaları seçin.

Qablaşdırma: Qablaşdırılmış məhsullara üstünlük verin və etibarlı yerlərdən alış-veriş edin.

Etiket oxuma: Məhsulun tərkibini diqqətlə oxuyun və glükoza şərbəti kimi əlavə maddələrdən qaçının. (Yenisabah.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.