Sağlamlıq

Koronavirus ciyərlərimizə necə təsir edib? - VİDEO

1 Fevral 2025 06:33

Baxış: 346

#SAĞLAMLIQ #VİDEO

Hələ də bir çox insan covid-19-un orqanizmdə yaratdığı izlərdən əziyyət çəkir.

Milli.Az Xəzər TV-yə istinadən bildirir ki, həkim-pulmonoloq Əsəd Beydullayev deyir ki, xüsusilə xəstəliyi ağır keçirmiş və ya uzun müddət virusla mübarizə aparmış şəxslərdə ciyərlərin zədələnməsi kimi faktlar da aşkarlana bilir.

Bəzi şəxslərdə tənəffüs problemləri, yuxusuzluq, yorğunluq, ürək döyüntüsü kimi hallar müşahidə olunur. Hətta qısa məsafələri piyada getdikdə nəfəs darlığından əziyyət çəkənlər də var. Həkim-pulmonoloq Əsəd Beydullayevin sözlərinə görə, COVID-19-un ciyərlərdə yaratdığı iltihab, bəzi hallarda fibroza, yəni toxuma sərtləşməsinə səbəb olur. Bu isə tənəffüs qabiliyyətini azaldır və bəzən xəstələrin tam sağalmasına mane olaraq onların ciyərlərində izlər buraxa bilir.

Həkim onu da əlavə etdi ki, post-pandemiya xəstələri üçün nəfəs məşqləri və fiziki terapiya çox vacibdir. Bəzi hallarda ciddi və peşəkar nəzarət altında reabilitasiya tələb olunur .

Daha ətraflı videomaterialı təqdim edirik.

Milli.Az