Sağlamlıq

Acqarına qəhvə içmək bu xəstəlikləri yaradır

1 Fevral 2025 05:05

Baxış: 1 285

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #QİDA

Səhər acqarına həddindən artıq miqdarda qəhvə istehlakı həzm problemləri, yuxu pozğunluğu, narahatlıq, zəif sümük sağlamlığı, ürək döyüntüsü və susuzluğa səbəb ola bilər.

Milli.Az xəbər verir ki, hər kəsin vazkeçilməz içkilərindən biri də qəhvədir. Xüsusilə səhər saatlarında üstünlük verilən qəhvə acqarına içilməməlidir.

Enerji artırdığı və bəzi hallarda arıqlamağa kömək etdiyi üçün üstünlük verilən qəhvə, ac qarına içildiyi zaman bəzi xəstəlikləri tətikləyir.

Ac qarına qəhvə içmək bir çox insan üçün vərdiş ola bilər, lakin bunun bəzi mənfi təsirləri ola bilər.

1. Mədənin turşusunu artırır ki, bu da ürək bulanması, mədə ağrısı kimi problemlərə səbəb ola bilər.

2. Hormonal balansa təsir edir. Aç qarına qəhvə içmək kortizol (stress hormonu) səviyyəsini artıra bilər. Bu isə narahatlıq, yorğunluq hissi, qan şəkərinin dəyişməsi kimi problemlərə yol aça bilər.

3. Həzm problemləri. Qəhvə bağırsaq hərəkətlərini stimullaşdıra bilər, ona görə də onu acqarına içmək ishal, mədə ağrısı, köp və şişkinlik kimi problemlər yarada bilər.

4. Qida vasitələrinə təsir edir. Qəhvə xüsusilə acqarına içildiyi zaman müəyyən qida maddələrinin (məsələn, dəmir və kalsium) udulmasına mane ola bilər. Bu, uzun müddətdə qida çatışmazlığına səbəb ola bilər.

5. Aç qarına qəhvə kofeinin təsirini gücləndirə bilər. Bu vəziyyət isə ürək döyüntüsü, qıcıqlanma, başgicəllənmə kimi şikayətlərə səbəb ola bilər.

Aç qarına qəhvə içmək əvəzinə səhər yeməyindən sonra içməyə çalışın. /Lent.az

Milli.Az