Sağlamlıq

Botoksun ideal tətbiq yaşı - Qırışların qarşısını almağa bu yaşdan başlamaq olar

28 Dekabr 2024 11:49

Baxış: 1 220

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #QADIN #PLASTİK

Botoks yaşlanma əlamətlərini, qırışları və cizgiləri aradan qaldırmaq üçün günümüzdə geniş istifadə olunan bir üsuldur. Lakin, botoksun ideal tətbiq yaşı ilə bağlı bir çox mübahisələr mövcuddur.

Milli.Az ntv-yə istinadən xəbər verir ki, tətbiqin ən yaxşı vaxtı haqqında ekspertlər 20-ci yaşların sonu və 30-cu yaşların əvvəlinin daha məqsədəuyğun olduğunu bildirirlər.

Bu yaşlarda botoksun tətbiqi, qırışların tam formalaşmadan əvvəl qarşısını almağa kömək edir. Mimikalardan çox istifadə edən, dəri quruluşu nazik və quru olan insanlar erkən yaşlardan botoksa üstünlük verə bilərlər. Günəşə həddindən artıq məruz qalma, siqaret çəkmək və ya qoruyucu faktoru aşağı olan günəşdən qoruyucu vasitələr istifadə etmək də erkən yaşlarda botoks tətbiqini zəruri edə bilər.

Botoks həddindən artıq mimikaları bloklayaraq qırışların yaranmasını gecikdirir və bu, xüsusilə alında, qaşlar arasında, göz və ağız ətrafında müşahidə olunur. 30 yaşın əvvəllərində botoks tətbiqi profilaktik məqsədli müalicə olaraq daha təsirli nəticələr verir, çünki bu yaşlarda qırışlar hələ tam formalaşmamış olur.

Bununla belə, botoks tətbiqi düzgün və təcrübəli mütəxəssislər tərəfindən aparılmalıdır. Yanlış tətbiq və ya həddindən artıq dozalar asimmetriya və təbii olmayan üz ifadələri kimi estetik problemlərə yol aça bilər. Botoks tətbiqinin təhlükəsiz olması üçün, yalnız təcrübəli şəxslər tərəfindən edilən müdaxilələrə üstünlük verilməlidir.

Fidan
Milli.Az