Sağlamlıq

Düzgün bişirilməyən ət xərçəngə səbəb olur

22 İyul 2024 03:03

Baxış: 1 104

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK #QİDA

"Ət sevənlər gərək onu hazırlayan zaman diqqətli olsunlar. Düzgün bişirilməyən ət xərçəng xəstəliyinə səbəb ola bilər".

Milli.Az medicina.az-a istinadən xəbər verir ki, bu sözləri ABŞ-dən olan diyetoloq Emi Pendlton Key deyib.

"Əti tüstü əmələ gətirmədən, aşağı temperaturda, qısa müddətdə qızartmaq lazımdır. Bu, xərçəngə səbəb olan maddələrin yığılmasını azaltmağa kömək edir", - deyə diyetoloq bildirib.

Həkim qeyd edib ki, manqalda möhkəm qızardılmış ətdə heterosiklik aminlər və polisiklik aromatik karbohidrogenlər yaranır ki, onlar yoğun bağırsaq, mədə, prostat və süd vəzi xərçənginə səbəb ola bilər.

Pendletonun fikrincə, bir dəfə qızardılmış qırmızı ət yemək sağlamlıq üçün təhlükə yaratmır:

"Bununla belə, qovurma üsulları ilə hazırlanmış əti sevənlər xərçəngin inkişaf riskini azaltmaq üçün bir neçə qaydaya riayət etməlidirlər. Ət uzun müddət manqalda qalmamalıdır - bu, onun tərkibində daha çox kanserogenlərin əmələ gəlməsi ehtimalını artırır. Bişirmə vaxtını azaltmaq, əti kiçik hissələrə bölmək tövsiyə olunur".

Marinad sevənlər üçün həkim otlar və ədviyyatlardan istifadə etməyi, həmçinin yağlı sousları əlavə etməməyi məsləhət görür:

"Mümkünsə, yağsız ətləri seçin və ya yeməkdən əvvəl görünən artıq piyləri kəsin. Yağlı ətlər daha çox tüstülənir və xərçəngə səbəb olan maddələr toplayır".

Milli.Az

Xəbərlərimizi WhatsApp kanalımızdan da oxuyun