Sağlamlıq

Boğaz ağrısı zamanı hansı qidaları yemək olmaz?

16 May 2024 01:01
Baxış: 2 095
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Boğazda qıcıqlanma və ya boğaz ağrısı varsa, duzlu, yağlı və ədviyyatlı yeməklərdən imtina etmək daha məsləhətlidir".

Milli.Az oxu.az-a istinadən bildirir ki, bunu rusiyalı otorinolarinqoloq Asiyat Zirkuyeva deyib.

"İlk növbədə, qida rasionundan yağlı, ədviyyatlı, duzlu, turş, çox soyuq və ya isti qidaları xaric etmək tövsiyə olunur. Bütün bunlar boğazın arxa divarının qıcıqlanmasına səbəb ola bilər. Həmçinin müəyyən içkilərdən istifadə etmək də tövsiyə edilmir. Bunlara qazlı, spirtli və isti içkilər, turş şirələr daxildir", - deyə həkim izah edib.

Otorinolarinqoloq qeyd edib ki, boğaz ağrısı zamanı siqaretdən də çəkinmək lazımdır. Tütün tüstüsünün zəhərli komponentləri ağız-udlağın selikli qişasına pis təsir edir, onu zədələyir və iltihaba səbəb olur.

Zirkuyeva əlavə edib ki, həkimlə məsləhətləşmədən antibiotik qəbul etmək, inhalyatorlardan və ya spirt tərkibli spreylərdən istifadə etmək olmaz, çünki bu, boğazda şişkinlik və təhlükəli ağırlaşmalara səbəb ola bilər.

"Boğaz ağrısından qurtulmaq üçün qarqara etmək, ağrını yüngülləşdirmək və su balansını qoruyub saxlamaq üçün xüsusi sovurma pastillərdən istifadə etmək olar", - deyə otorinolarinqoloq yekunlaşdırıb.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.