Sağlamlıq

İngiltərədə yayılan yeni virusun əlamətləri

8 Dekabr 2022 18:32
Baxış: 822

İngiltərədə sentyabr ayından yayılan "Strep A" virusu ilə bağlı həyəcan artmağa davam edir. Belə ki, ən son 5 yaşında bir qızın sözügedən infeksiyadan dünyasını dəyişməsindən sonra bu xəstəlikdən dünyasını dəyişən uşaqların sayı 9-a çatıb.

Milli.Az qafqazinfo-ya istinadən xəbər verir ki, İngiltərədə hazırda iki övladı "Strep A" virusuna yoluxan bir ana xəstəliyin ilk əlamətləri barədə valideynlərə xəbərdarlıq edib.

Aimee Byron adlı qadının sözlərinə görə, onun 3 yaşlı oğlu və 17 aylıq körpəsi bu xəstəliyə yoluxub. O bildirib ki, xəstəliyin ilkin əlamətləri olaraq boğazda qıcıqlanma, ağızda ləkələr və badamcıqların şişməsi olub.

Həkimlərin sözlərinə görə isə, "Strep A" boğaz ağrısı, badamcıqların iltihabı kimi infeksiyalara səbəb olan bakteriyadır. Xəstəliyin əlamətləri sırasında boğaz və əzələ ağrıları, yüksək temperatur, yorğunluq, dəridə yaraların peyda olması var. Mütəxəssislər bu əlamətlərin orta hesabla bir həftə davam etdiyini qeyd edib.

Bildirilir ki, bir çox insan bu bakteriyanı fərqində olmadan da daşıya bilər. Lakin bununla belə daşıyıcı olaraq digər insanları yoluxdura bilər.

Xəstəlik isə yaxın təmas, öskürək və asqırma nəticəsində digər insanlara keçə bilər.

Həkimlər bu xəstəlikdən qorunmaq üçün əllərin tez-tez yuyulmasını məsləhət görür.

Milli.Az

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics