Sağlamlıq

Uşaqların çox qida qəbul etməsinin səbəbi

21 Mart 2022 23:25
0 Şərh     Baxış: 1 633
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ #UŞAQ

Uşaqların həddindən artıq qida qəbul etməsi valideynləri narahat edən məsələlərdən biridir. Bunu bəzən iştahanın çoxluğu ilə əlaqələndirirlər. Mütəxəssislər problemin həm psixoloji, həm də nevroloji səbəblərlə əlaqədar olduğunu deyirlər.

Milli.Az bildirir ki, Azərbaycan Dövlət Pedaqoji Universitetinin müəllimi, psixologiya üzrə fəlsəfə doktoru Yeganə Əsgərova deyib: "Duyğu üzvlərinin həssaslığı ya normadan aşağı, ya da yuxarı olanda beynin siqnalları qəbul etməsi dəyişir. Ağızda olan dad reseptorlarından birinin normadan artıq olması uşağın çox qidalanmasına səbəb olur. Qidalanma zamanı çeynəmə refleksi beyinə sakitləşdirici siqnal ötürür. Həmin hissədə reflekslərin həssaslığını azaltmaq üçün saqqız çeynəmək, trubkalarla maye qəbul etmək, habelə dişləmək və çeynəmək mümkün olan müxtəlif məhsullardan istifadə etmək olar".

Həmin uşaqlar köklük problemindən də əziyyət çəkirlər və artıq çəki müxtəlif xəstəliklər yaradır. Bakıdakı 6 nömrəli poliklinikanın terapiya şöbəsinin müdiri Gülsarə Sadıqova deyib: "İlk növbədə onlarda daxili və xarici piylənmə əmələ gəlir, xüsusilə qarın nahiyəsində çəki artımına səbəb olur. Onlar şəkər xəstəliyinə, böyüyəndən sonra qan təzyiqinə, qaraciyər piylənməsinə meyilli olurlar".

Belə problemlər erkən yaşda müşahidə olunur. Ona görə də uşaqda kökəlmə, piylənmə əlamətlərinin yarandığını hiss edən kimi mütəxəssisə müraciət etmək lazımıdır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.