Gürcüstan

Harris qalib gəlsə, müharibə uzanacaq - Kobaxidze

6 Noyabr 2024 00:17
Baxış: 2 230
VTB-də minimal faiz dərəcəsi ilə nağd kredit 9.9%-dən
#ABŞ #RUSİYA-UKRAYNA MÜHARİBƏSİ

ABŞ-da hansı administrasiyanın olmasından asılı olmayaraq Ukraynada müharibə bitən kimi münasibətlər keyfiyyətcə yenilənəcək.

Milli.Az APA-ya istinadən bildirir ki, bunu Gürcüstanın Baş naziri İrakli Kobaxidze yerli telekanala açıqlamasında deyib.

O, müharibə bitəndən sonra Qərbin Gürcüstana təzyiqinin azalacağını deyib.

Kobaxidze müharibədən öncə Gürcüstanın Qərblə çox yaxşı münasibətlərinin olduğunu, lakin müharibədən sonra fərqli maraqların ortaya çıxdığını deyib.

Baş nazir ABŞ-da keçirilən prezident seçkilərində Donald Trampın qalib gələcəyi təqdirdə Ukraynada müharibənin daha tez başa çatacağını, Kamala Harrisin qələbəsinin isə müharibəni daha bir neçə ay uzadacağını deyib.

"Mən hər bir halda müharibənin gələn il başa çatacağını düşünürəm", - Baş nazir deyib.

Hökumət başçısı ABŞ və Aİ ilə münasibətlərin hazırkı vəziyyətindən məmnun olmadığını, Gürcüstan hökumətinin münasibətlərin yenidən başladılması üçün əlindən gələni edəcəyini vurğulayıb.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.