Gürcüstan

Məşhur "qanuni oğru" özünü başından güllələdi - FOTO

6 Sentyabr 2022 18:10

Baxış: 1 383

VTB-də minimal faiz dərəcəsi ilə nağd kredit 10.49%-dən

#GÜRCÜSTAN #RUSİYA

Nüfuzlu gürcü əsilli "qanuni oğru", "Gia Long" ləqəbli 68 yaşlı Georgi Diakvnişvili Moskvadakı evində başından güllə yarası ilə tapılıb.

Milli.Az sfera.az-a istinadən xəbər verir ki, sentyabrın 3-də təcili yardım briqadası Yeni Moskvanın Mostovskoye kəndinə çağırışla gəlib və nüfuzlu kriminal avtoriteti göz yuvasından güllələnərək yerdə uzanmış halda aşkar edib. Onun Moskva xəstəxanalarından birinə yerləşdirildiyi və hazırda reanimasiyada olduğu bildirilir.

Hadisə yerinə baxış keçirilərkən polis əməkdaşları "Makarov" markalı qaz tapançası götürüblər. Faktla bağlı cinayət işi açılıb.

İstintaq "qanuni oğru"nu öldürməyə cəhd, eləcə də intihara cəhd versiyalarını araşdırır.

Cinayət aləmində "Gia Lonq" kriminal aləmin "xaç atası" Aslan Usoyanın (Ded Xasan) tərəfdarı olması ilə tanınır və rəqibi Tariel Onianiyə qarşı çıxırmış.

Milli.Az