İqtisadiyyat

İri mühərrikli avtomobillərin aksiz vergisi qaldırılır

3 Noyabr 2021 11:13

0 Şərh Baxış: 828

İri mühərrikli nəqliyyat vasitələrinə görə aksiz vergisinin məbləğinin artırılması təklif edilir.

Milli.Az xəbər verir ki, bu barədə Vergi Məcəlləsinə dəyişiklikdə bildirilir.

Dəyişiklik aşağıdakı kimi təklif edilir:

- mühərrikin həcmi 4000 kubsantimetrədək olduqda 5600 manat + mühərrikin həcminin 3001-4000 kubsantimetr hissəsi üçün hər kubsantimetrə görə - 15 manat ( əvvəl 13 manat idi) . Burada 4000 kubsantimetrədək olduqda 5600 manat məbləği dəyişməz olaraq qalır.

- mühərrikin həcmi 5000 kubsantimetrədək olduqda 20 600 manat + mühərrikin həcminin 4001-5000 kubsantimetr hissəsi üçün hər kubsantimetrə görə - 40 manat. (Hazırda bu məbləğ 18600 manat + hər kubsantimetrə görə 35 manatdır)

- mühərrikin həcmi 5000 kubsantimetrdən çox olduqda 60 600 manat + mühərrikin həcminin 5000 kubsantimetrdən çox hissəsi üçün hər kubsantimetrə görə - 80 manat ( hazırda bu məbləğ 53 600 manat + hər kubsantimetrə görə 70 manatdır).

Qeyd edək ki, layihəyə təklif edilən dəyişikliklər parlamentin İqtisadi siyasət, sənaye və sahibkarlıq komitəsinin bu gün keçirilən iclasında müzakirə edilir.

Milli.Az