İqtisadiyyat

Abşeron sanatoriyaları niyə az turist qəbul edir?

5 Aprel 2021 17:54
Baxış: 745
VTB-də minimal faiz dərəcəsi ilə nağd kredit 9.9%-dən
#TURİZM

Abşeron sanatoriyalarında marketinq reklam xidmətlərinin təşkil olunmaması, hətta internet portal və linklərinin yaradılmaması onların turist qəbulu imkanlarını minimuma endirir. Bunun nəticəsidir ki, bu sanatoriyaların xidmətlərindən xarici turistlər demək olar ki, istifadə etmir, əsas müştəriləri güzəştli yollarla gələn pasiyentlərdən ibarətdir.

Milli.Az Trend-ə istinadən bildirir ki, bu, Dövlət Turizm Agentliyinin təşəbbüsü ilə Azərbaycanda müalicə-sağlamlıq məqsədilə aparılan araşdırma nəticəsində məlum olub.

Abşeron sanatoriyaları əsasən ixtisaslaşdırılmış müalicə-sağlamlıq xidmətləri təklif edir. Onların fəaliyyətinin əsas hissəsi AHİK üzvlərinə güzəştli müalicə-sağlamlıq xidmətləri göstərilməsindən ibarətdir. İstirahət və Spa hotellərinin əsas müştəri seqmentinin istirahət-əyləncə təyinatlı olması,
sağlamlaşdırma (SPA-velnes) xidmətinin azlığı, layihənin əsas məqsədinə uyğun olmaması, onların
araşdırılmasının məqsədəuyğun hesab edilməməsinə səbəb olub.

Abşeron sanatoriyalarında pasiyentlərin qəbulunda ümumi diaqnostik müalicələrin aparılması da geniş yayılıb. Bu sanatoriyalarda kompleks kurort xidmətlərinin göstərilməməsi, gələn turistlərin dinamikasına mənfi təsir edib, həmçinin onların rəqabət qabiliyyətini aşağı salıb.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.