İqtisadiyyat

Azərbaycan və İran arasında dəniz nəqliyyatı üzrə əməkdaşlıq müzakirə olunub

14 Sentyabr 2020 15:57

Baxış: 1 322

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #IRAN #AZƏRBAYCAN

Azərbaycan və İran arasında dəniz nəqliyyatı üzrə əməkdaşlığın son vəziyyəti araşdırılıb.

Milli.Az Trend-ə istinadən bildirir ki, İranın Limanlar və Dənizçilik Təşkilatının tranzit, lojistika və müqavilələr üzrə baş idarəsinin direktoru Xosrov Sarai və Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyinin Dəniz Təhlükəsizliyi şöbəsinin müdiri Vamiq Rəhimov arasında video-konfrans formatında iclas keçirilib. İclasda İranın Azərbaycandakı səfiri Seyid Abbas Musəvi də iştirak edib.

İclasda tərəflər iki ölkələrin limanları arasında yükdaşımaların artırılmasını vurğulayıblar.

İclasda, həmçinin limanlar üzrə iki tərəfi maraqlandıran məsələlər, dəniz əməkdaşlığının artırılması üzrə bəzi sənədlərin ilkin mətni haqda fikir mübadiləsi aparılıb.

İclasda çıxış edən səfir S.A.Musəvi bildirib ki, Xəzər dənizi sülh, dostluq və əməkdaşlıq dənizidir. İran İslam Respublikası və Azərbaycan Respublikası çoxlu dini, mədəni və tarixi ortaqlıqlara sahib iki Xəzəryanı ölkədir.

A.Musəvinin sözlərinə görə, Xəzər dənizi iki ölkə arasında əməkdaşlığı artırmaq üçün saysız imkan və potensiallar yaradıb6

"İki ölkənin enerji, iqtisadi, dənizçilik, balıqçılıq, turizm, dəniz elmləri və sairə sahələrində əməkdaşlığın səviyyəsini bir neçə dəfə artırmaq olar".

S.A.Musəvi əlavə edib ki, iki ölkə arasında münasibətlərin inkişaf etdirilməsi üzrə istiqamətlərdən biri limanlar və dəniz nəqliyyatı sahəsidir.

Milli.Az