İqtisadiyyat

“Samsung Electronics”in gəlirləri artıb

28 Yanvar 2017 08:31

0 Şərh Baxış: 1 253

VTB-də minimal faiz dərəcəsi ilə nağd kredit 9.9%-dən

#SAMSUNG C&T CORP

Cənubi Koreyanın "Samsung Electronics" şirkəti ötən ilin dördüncü rübündə 9,22 trilyon von və ya 7,93 milyard dollar həcmində gəlir əldə edib.

Milli.Az lent.az-a istinadən xəbər verir ki, bu, 2015-ci ilin analoji dövrü ilə müqayisədə 60,11 faiz çoxdur.

Məlumata görə, 2016-cı ilin oktyabr-dekabr aylarında satışların həcmi 2015-ci ilin analoji dövrü ilə müqayisədə 0,03 faiz artaraq 53,33 trilyon von və ya 46,4 milyard dollar təşkil edib. Həmçinin bildirilir ki, 2016-cı ildə "Samsung Electronics"in əməliyyat gəlirləri 29,24 trilyon von və ya 25,42 milyard dollara çataraq illik nisbətdə 10,7 faiz artıb.

Korporasiyada əməliyyat gəlirlərinin artmasını yarımkeçiricilərin, xüsusilə də DRAM və NAND yaddaşlı mikro sxemlərin uğurlu satışı ilə izah edirlər. Bu, həmçinin "Galaxy S7" və "S7 Edge" flaqman smartfonlarının satışı ilə bağlıdır.

Bununla belə, "Galaxy Note 7" cihazlarının qlobal geri çağırılmasından şirkətin ziyanı məhdud olub və şirkətin gəlirlərinə o qədər də ciddi təsir etməyib.

Milli.Az

Digər maraqlı xəbərlər Milli.Az-ın Facebook səhifəsində